Чөгендерле хумус
Зур Кукмара авылында яшәүче укытучы-блогер Айгөл Гатауллинадан дөрес тукланучылар өчен чөгендерле хумус рецептын тәкъдим итәбез.
3-4 кашык нутны төнгә суга салып калдырга, аннары бераз тоз сибелгән суда 40 минут чамасы пешерергә кирәк.
1 кашык көнҗетне коры табада кыздырып алырга һәм блендерда вакларга. Шунда ук бераз суы белән нутны, ярты пешкән чөгендер салырга һәм болгатырга. Шунда ук 1 калак зәйтүн мае (оливк.масло), 1 телем лимонның согын сыгарга һәм тагын блендер белән ваклап алырга.
Юка итеп киселгән берничә телем арыш оныннан пешерелгән (цельнозерновой) ипигә, хлебцыга яки киптергән лавашка ягып ашарга мөмкин. Өстенә телемләп кисеп авокадо куярга була.