"Кайчагында машинага бензин салырга да акча булмый". Җырчы Чулпан Йосыпова яңа BMW алган

17 Мая 2018

Укылган: 2115 тапкыр

Автор: Юлия НАСЫЙБУЛЛИНА
BMWны холкыма туры китереп сайладым. Машина миңа миллионнан артыкка төште, дип шатлыгы белән уртаклашты Чулпан Йосыпова. Тик үзе эшләп алган машинасының төгәл ничә сумга төшкәнен әйтергә теләмәде...

- Чулпан, быелгы концертлар сезонын яптыгызмы инде?

- Әйе, яптык. Алда сабантуйлар, банкетлар. Хәзер менә ураза башлана, бераз тынлык әле. Сентябрьдән исә яңа концерт сезонын ачып җибәрәчәкбез.


- Уңышлы ел булган ахры. Концерт сезонын ябу белән BMW машинасы алып җибәргәнсез. Күпмегә төште сер булмаса?

- Аллага шөкер, зарлана алмыйм. Барысы да уңышлы барды. Түгәрәкләп әйткәндә BMW X1 миңа миллионнан артыкка төште. Төгәл бәясен әйтеп тормыйм.

- Бер сезон эчендә шул хәтле акча эшләп буламы?

- Юк, бер сезон эчендә миллион эшләдем дип әйтә алмыйм. Затлы машинада йөрү минем күптәнге хыял иде. Шуңа күрә берничә ел акчамны әрәм-шәрәм итмичә җыеп барырга тырыштым.

- Яшьләр телендә BMWны бандит машинасы диләр бит. Холкыгызга туры китереп сайладыгызмы әллә?

- Әйе, шулай дисәк тә була. Беренчедән, ул күбрәк яшьләргә туры килә. Дөресрәге, мин ике машина: Мерседес GLK һәм BMW х1 арасында озак сайландым һәм икенчесендә тукталдым. Ялгышмадым дип уйлыйм. Бу машина миңа бик ошый.

- Узган ел Казан уртасында зур гына йортыгызны сатарга куйган идегез. Сатылдымы ул?

- Сатылмады. Әти миңа җир бүләк иткән иде, йорт салдык. Хәзер шуны яңадан зурайтып салып, рәтләп ятабыз. Зур гаиләбез белән шунда яшәргә исәп.

- Сез җырлап кына йөрисезме, әллә тагын башка эш белән дә шөгыльләнәсезме?

- Мин җырлап кына йөрим. Ике ел театр училищесында вокал дәресләре укыткан идем. Иҗатка комачаулады да киттем. Бүгенге көндә җырлыйм гына.


- Сезгә карыйм да, җырчылар шәп яши, дигән нәтиҗәгә киләм. Казан уртасында зур йорт, кыйммәтле машина... Хезмәт хакына гына яшәүчеләрнең төшенә дә керми торган бәхет...

- Эшләргә кирәк. Эшләсәң генә шушы биеклеккә җитеп була.  Безне җырлап җиңел акча эшлиләр, дип уйлаучылар күп. Алай түгел, бу тормышта бер нәрсә дә җиңел бирелми. Бер тиенсез калган вакытлар бар. Кайчагында машинага бензин салырга да акча булмый хәтта. Иң мөһиме ялкау булмаска, иренмәскә кирәк. Өйдә утырганга китереп бирмиләр.


Фикерләр








Шоу-бизнес

“Кәкре аяклар хәзер модада”, яки иске авыздан иске сүз: Гөлназ Сәфәрова ТНВда яңа тапшыру тәкъдим итә

18 майда Казан рестораннарының берсендә ТНВ каналында иң югары рейтинглы булырга тиеш дип планлаштырылган проект - “Мин” тапшыруының презентациясе булды. Бу тапшыру мода, стиль, иң мөһиме – хатын-кызларның тышкы һәм эчке дөньясын үзгәртүгә багышланган. “Татар-информ” хәбәрчесе тапшыруны әзерләүчеләр белән сөйләште.

Шоу-бизнес

Гөлназ Асаеваның әнисе Лилия Биктимерова: Кызым кияүгә чыкмый калыр дип куркам

Рөстәмнең хатыны Айгөл белән концертта беренче тапкыр күрешәчәкбез, ди Гөлназ Асаеваның әнисе Лилия Биктимирова. Ике гаилә дустанә мөнәсәбәттә яшәсәләр дә, хатыннарның моңарчы күзгә-күз күрешкәннәре булмаган икән...

Шоу-бизнес

Рөстәм Насыйбуллин: Тагын берничә елдан ветераннар турында сагынып сөйләргә генә калачак

Ватан, сугыш турындагы җырларны яратып җырлыйм. Кан койгыч сугышны үз күзләре белән күреп, безгә җиңү китергән санаулы ветераннар каршында бүген чыгыш ясый алуым белән горурланам. Чөнки тагын берничә елдан алар турында сагынып сөйләргә генә калачак, ди Казан шәһәр филармониясе солисты Рөстәм Насыйбуллин.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла