Сораштыру: Сез нәрсәне күбрәк укыйсыз – блогерларнымы, мәгълүмат чараларынмы?

16 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зәринә ХУҖИНА, КФУ студенты
Фото: Солтан Исхаков
Бүгенге көндә интернет челтәрендә блогерлар саны артканнан-арта. Аларның аудиториясе һәм җәмәгатьчелек фикеренә тәэсире дә үсә. Шулай да, алар гаммәви мәгълүмат чараларына көндәш була аламы?

Без билгеле кешеләрдән мәгълүмат алуда аларның нинди чыганакка өстенлек бирүен сораштык. Җавапларны сезгә дә тәкъдим итәбез.

Зөлфәт Зиннуров (телевидение алып баручысы): Гаммәви мәгълүмат чараларын күбрәк укыйм, чөнки аларга ышаныч күбрәк. Блогерларга ышаныч барыбер алай ук зур түгел. 

Булат Ибраһимов (шагыйрь): Күбрәк шәхси мәгълүмат чараларын укыйм. Блогерларның темалары чикле - аш-су, юмор һәм тагы берничә тема гына нигездә.

Илсөя Бәдретдинова (җырчы): Икесен дә укырга тырышам. Гаммәви мәгълүмат чараларын да, блогерларны да күзәтәм. Чынлап торып ышанам диеп әйтә алмыйм икесенә дә, чөнки ялган информация икесендә дә бик күп. Ниндидер заказ белән язылган язмалар да булырга мөмкин. Мин, мәсәлән, үзем турында укып та, шушындый нәтиҗә ясый алам. Боларны кайлардан алып язалар икән дип, чәчләрем үрә тора.

Резеда Сәләхова (Кәрим Тинчурин театры артисты): Дөресен генә әйткәндә, нәрсәсе белән аерылганнарын да белмим, шуңа күрә кемнедер укып барам дип тә әйтә алмыйм. Менә танышларым бар, мин аларга язылган, шуларны укып барам. Мин хәтта аермыйм блогер нәрсә дә, ММЧ нәрсә. Шуңа күрә мин сезне җавабым белән канәгатьләндерә алмам.

Раил Гатауллин ("Әдәби марафон" оештыручысы): Мин икесен дә бертигез дәрәҗәдә укыйм - икесен дә аз укыйм. Әмма гаммәви мәгълүмат чаралары арасында нигездә “Татар-Информ” агентлыгын укыйм (татарчасын). 

Әйтәсе килгән әйберем шул: татар матбугатында аналитика аз. Аналитика һәм яңалыкны чәйнәп өйрәнә, төбенә төшә торган мәгълүмат чарасы юк диярлек. Бары тик булган әйбер турында гына язып чыгалар. Тегендә теге булды, монда бу булды форматында. Блогерларны да аз карыйм. Чөнки блогерларда да аналитика юк диярлек. Күп кенә язмалар нигездә күңел ачуга, көлкегә кайтып кала. Җитди язмалар аз.

Мин аналитик һәм җитди, гадел һәм шәхес үсешенә илтә торган язмаларны укырга яратам. Мәсәлән, Игорь Манн, Аяз Шәбетдинов, Ирина Хакамада һәм башкалар аккаунтларын игътибар белән укып барам, аларны укып камилләшәм.

Ришат Төхвәтуллин (җырчы:) Блогерларны да, мәгълүмат чараларын да күзәтеп, укып барырга тырышам. Гаммәви мәгълүмат чаралары рәсми чыганаклар булгач, аларга ышаныч күбрәк!

Блогерларның да төрлесе бар. Кыю, үз фикерен җиткерә белүчеләре дә, арасында гел зарланып, тәнкыйтьләп утыручы, ләкин үзе берни дә тәкъдим итмәүчеләре дә күп. Шуңа күрә аларга карата фикерләр төрле, яхшы яки начар дип кенә әйтеп булмый.

Ришат Әхмәдуллин (Галиәсгар Камал театры артисты): Берсен дә укымыйм.


  Без Инстаграмда

Фикерләр








ЯшьТИ

Артистлар кайчан җете кызыл һәм тыйнак була? Сабада "Туплы тамаша" узды

Байлар Сабасында узган “Туплы тамаша” проектында артистларны күрү кызык булды. Сәхнәне генә түгел, футбол мәйданын да шаулатырлык егетләр икән үзләре.

ЯшьТИ

Яңа татар блогеры Азат Фатыйхов: Мин дә башкалардан ким түгел, дидем

Соңгы арада инстаграмда 19 яшьлек шаян татар блогеры Азат Фатыйховны күзәтеп барам. Бизәми һәм арттырмый гына, гап-гади егет тормышын тасвирлый ул. Азат үзенә "Татарин" тәхәллүсен сайлаган, тик блогының күп өлешен русча алып бара. Шулай да киләчәктә үзенә татар милләтен туплау максатын да билгеләп куйган.  

ЯшьТИ

Гамил Афзалның костюмын Актанышка алып кайтканнар: сул як кесәсеннән табылган нәрсә IXнчы төбәкара иҗат фестиваленә ис-акыл китәрлек күләмдә халык җыйды

Гамил Афзал костюмының сул як кесәсеннән табылган нәрсә Гамил Афзал исемендәге IXнчы төбәкара иҗат фестиваленә халыкны ис-акыл китәрлек күләмдә җыйды.


Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла