"Ике йөрәк"
Син агымсу, мин ут сыман
Дулкыннарыңда йотлыгам
Ярсу ташкыныңа түзми
Яндырам, яндырам да үзем янам
Син тыныч су, мин ут сыман
Назларыңда онытылам
Тик бер очкын, бер ялгыш сүз
Кабынам да ахры, яңадан сагынам
Ике йөрәк бергә яна,
Ике йөрәккә бер яра
Уттан алып, суга сала икебезгә бер мәхәббәт һәм бер яра.
Син китәсең ташкын булып,
Булмый, сине булмый тотып.
Тузган уйларымны куып
Икенче якка уттай чабамын, куып.
Таралабыз да кем кайда,
Хисләрдән кача алмый алай да.
Күптәннән кирәк аңларга,
Яши алмыйм бу мәхәббәттән башка.
Бу шашкын хис – сөю булмаса,
Әйтче ни безнең арабызда?
Ике йөрәк бер ялкында яна
Икебезгә бер мәхәббәт һәм бер яра.
Ике йөрәк бергә яна,
Ике йөрәккә бер яра
Уттан алып, суга сала
Икебезгә бер мәхәббәт һәм бер яра.