Әминә Галимованың "Син, син" клибы: традицион күренешләр һәм бер оригиналь кадр

4 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: клиптан скриншот
"Син, син..." клибын традицион дип атап була. Татар клипларын карап ияләнгән кеше өчен монда әллә ни яңалык юк. Клипның музыкасы да, сүзләре дә истә калырлык түгел. Җыр тексты "шулай булсын, болай булсын" дигән теләкләрдән гыйбарәт. Ә менә клибында бер-ике уникальлек бар.

Клибта традицион татар клибының барлык элементлары диярлек тә бар. Төп герой машинада утырып йөри, тәрәзә төбендә утыра, кадрга текәлеп карап җырлый, кулларын болгап урамнан уза, пляжда ята. 

Нәрсә юк? Берничә элемент юк - героиня караватта аунамый һәм аркасы белән стенага ышкылып йөрми. Пляжда булган чагында егете белән бергә су буйлап йөгерми.

Бер үзенчәлек - пляжда булган чагында бер егет карбыз күтәреп килә. Егет үзенчә мәзәк итеп киенгән. Кыз аннан куркып йөгерә. Хәер, моны үзенчәлек дип бик тырышкан очракта гына әйтеп була.

Клипның төп үзенчәлеге урта тирәсендә барлыкка килә. Ул - гашыйклар ролен уйнаган, мәзәк киенгән ир белән хатын. Клипны караган татар тамашачысы, бу ир хәзер кызга гашыйк була, ә аның хатыны көнләшә дип уйлый торгандыр. Әмма клипны төшерүчеләр стандартларны җимереп ташлаган - кызга... хатын гашыйк була һәм аңа чәчәк бирергә куша. Героиня, үзенә чәчәк тотып килгән ирдән качып китә. 

Һәм шушы урында клипның оригинальлеге кабат юкка чыга. 

Кабат традицион клипларда булган күренешләр башлана. Героиня Казан кремле тирәләренә килеп чыга. Аны мотоциклчы егет бәрдерә яза, билгеле инде, кызның кулындагы әйберләре төшеп китә. Әфлисунны кызга биргәндә, алар арасында гыйшык кузгала. Кыз сакал баскан карт кына иргә бик яратып карый. "Бер-беребезне хөрмәт итеп, саклап яшик бу җирдә", - дип өнди кыз. Аннары ул байкерның мотоциклына утырып, караңгылыкка таба китеп бара. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла