“Ялынып ятма”: Салават Фәтхетдиновка үпкәләгән Җәвит Шакировны хатыны да, Гамил Әсхәдулла да юата

11 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Җәвит Шакиров буш чиләкләр каршында моңаеп утыра. "Тагын өлгермәдем. Салават иртәрәк уянган. Каен җиләксез калдым", дип яза ул инстаграмдагы видео янына.

Кадрларда буш чиләкләр күренә. Зөлфия Шакирова иренең хәлен сораша, ни булды, ник боектың, ди. “Иии Зөлфиякәем, Зәки малае бөтен каен җиләген җыеп бетергән. Буш кайттым”, - ди Җәвит Шакиров.

"Ярар, Зәки малаенда булгач, ул бездә дә бар дигән сүз инде. Кыш буе атна саен каен җиләге белән чәй эчәргә кунакка йөрербез. Әле аларның сыеры да бар. Свежий каймак белән варенье ягып ашарбыз", - дип сөйләнә Зөлфия ханым.

Җәвит Шакиров капчык белән шикәр комы тартып чыгара. “Салават, җиләк синнән, шикәр – миннән”, - ди ул.

Моңа кадәр Салават Фәтхетдинов җиләктән "кайтып" уңышы белән мактанган иде. "Каен төбендә ятам. 16 чиләк җиләк җыйдым каен төбеннән", - дип башлый ул сүзен кешене шаккаттырып. Аннары ул җиләкне Мамадыш районында -юл буендагы сатучылардан сатып алганын әйтә. "Ләйсән әбиегез шуны матурлап эшкәртеп, кышка әзерләп куя", - ди Салават.

Бу хәлләрне Гамил Әсхәдулла да күзәтә икән. Ул инстаграмдагы сәхифәсендә Җәвит Шакировка мөрәҗәгать итә. "Чынлап та, юлда рәт калмады. Бөтен җиләкләрне Салават җыеп бара. Җиләк ашыйсы килә. Салават Татарстан әбиләрен баетып бетерә. Безгә җиләк юк", - ди ул.

Гамил Әсхәдулла Җәвит Шакировны Шәңгәлчегә җиләк җыярга чакыра. "Мин бер җаен таптым. Уйладым-уйладым да, үзем килергә булдым җиләккә. Үзең җыйган тәмлерәк тә. Так что, Җәвит туган, ялынып ятма анда Салаватка, әйдә кил Шәңгәлчегә. Бергә җыябыз җиләкне", - ди ул.

Гамил Әсхәдулла үләнне аралап, җиләкләрне күрсәтә. "Менә сиңа. Нәрсәгә Салават ялынып ятарга", - дип сөйләнә ул.


  Без Инстаграмда

Фикерләр








Социаль челтәр йолдызлары

Айзилә Батырханова "Яшьләр тукталышы"ннан кая китә?

"Яшьләр тукталышы" тапшыруы алып баручысы Айзилә Батырханова инстаграмда "Минем дә дүрт еллык тукталышым азагына якынлашты. "Яшьләр тукталышы" миңа бик күп танышулар бүләк итте. Рәхмәт сезгә", - дип, саубуллашу сүзләре язып куйган. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла