“Владимир, сез бала табачаксыз!” Казахстан табибы ир кешегә "йөкле" дигән диагноз куйган
Табиб пациентның карточкасына: “Корсагы йөклелек вакыты сәбәпле зурайган, кыймылдауны тоя” дип язган.
Казахстан республикасының Усть-Каменогорск шәһәрендә яшәүче 35 яшьлек ир авырып сырхауханәгә килә. Табиб аңа йөкле дигән диагноз куйган. Ул аның карточкасына: “Корсагы йөклелек вакыты булу сәбәпле зурайган, кыймылдауны тоя” дип язган.
Сырхауханә табиб карточкаларны бутаган дип аклана. Имеш, пациентлар күп булган. Ир исә табибның үзен каравы турында әйткән. Социаль челтәрләрдә табибның надан булу сәбәпле шундый диагноз кую турында фикер алышалар. Кайберәүләр исә "димәк, табиб авыруларны карап та тормый, теләсә нинди дежур фразалар яза" дип гаепли.
“Islam-today” мөселман сайтыннан алынды.
