Рифат Зарипов Вадим Захаровның җен ачуын чыгарган

24 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

ТМТВ каналы Инстаграмга “Сер булып калсын” тапшыруыннан өзек куйган. Анда тапшыруның кунагы - пародияләр остасы, җырчы Рифат Зарипов бала карауның нинди авыр эш икәне турында сөйли. “Бала карауны безнең концерт куюга караганда да зур эш дип саныйм. Бала карау – ул зур эш” – дип әйтә. 

Социаль челтәрдә утыручы хатын-кызларның күңелләре булган. Алар үзләрен аңлаулары өчен рәхмәт сүзләре җиткерә: 

“Мин Рифатны болай да ярата идем, шушы сүзләреңнән соң тагын да катырак яратам, ай маладис”;
“Бала карауның җаваплы һәм авыр эш икәнен аңлаган ир-атка молодец диясе генә кала. Рифат, син молодец!”;
“Рифат сине бик хөрмәт итәм, хатын-кызны аңлаганың өчен. Син инде бөтен яктан да яхшы, әйбәт кеше. Яратам инде үзеңне. Хатының бик бәхетледер дип уйлыймын, шулай гына була күрсен берүк”, - дип язганнар. 

Җырчы Вадим Захаровның “ Җен ачуларымны чыгара шушы @rifat_zaripov_official, акыллы сүзләр сөйли инде янәсе” дип комментарий калдыруы җитди бәхәс тудырган. Җырчыга хатын-кызлар “һөҗүм” ясаган. 
 
“Сез дә сөйләгез, булдыра алсагыз”;
“Вадимның нигә җен ачуы чыга? Дөрес сүзгәме? Димәк үз гаиләсендә шул темага карата проблемасы булган яки хәзер дә бар . Проблемасы булмаса ул кадерле вакытын монда язып әрәм итмәс иде”;
“Вадим Захаровның Рифат Зариповка җен ачуы чыгуы, ул Рифатның уңышларыннан көнләшә дигән фикер уята”;
“Рифат кебек концертлар куй башта, аннары сөйләрсең”;
“Татар эстрадасында иң кешелекле, тәрбияле, ихтирамга лаек кешегә шундый сүзләр әйтүегез бернинди кысаларга да сыймый”;
“Вадим, коллегаң турында андый сүз язганчы үзенә генә әйтер идең. Сезне нормаль ир-аттыр дип уйлый идем, Рифат кебек булырга әле сиңа...”;
“Сез исерекме?”;
“Бераз “китеп” алган ахры”, - дип язган инстачылар. 

Вадим “ду” килгән ханымнарны тынычландырырга теләп:

“Апа җаным, күңелегезгэ авыр алмагыз, шаяру безнең шулай”, - дип җавап биргән. 

Рифат Зарипов та җавапсыз калмаган: “Вадим, халык арасында БОЛАЙ шаярмыйлар! Мин ихластан сөйләдем! Кемнән, кемнән!? Синнән көтмәдем, Вадим”, - дип язган. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла