Татар театрының танылган солисты авариягә очраган – фото
М.Җәлил исемендәге Татар дәүләт опера һәм балет театры солисты Гөлнора Гатина беренче тапкыр юл һәлакәтенә очраган. Бу хакта ул Инстаграмдагы битендә хәбәр итте.
“Таксида бара идем һәм арткы яктан нәрсәдер бик каты итеп бәрелде. Исерек йөртүче каты тизлектә куып, безнең машинага бәреп кергән! Минем беренче тапкыр юл һәлакәтенә очравым... Мин генә ярар, әнием арткы утыргычта иде! Шул исерек ир-ат ашыгыч ярдәм машинасын да көтмичә авариядән китеп барды. Мин шок хәлендә!”, - дигән Гөлнора Гатина.
