Татар театры тарихында икенче тапкыр чишенгəн Мəдинə Гайнуллина: "Ничек инде спектакльне карамыйча минем өскə таш атарга була?"

9 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зилə МӨБƏРƏКШИНА
Фото: Рамил Гали
Əлмəт дəүлəт театры актрисасы Мəдинə Гайнуллина "Медея. Материал" – “Кече шәһәр театрлары” федераль проекты кысаларында куелган спектакльдə чишенүе турындагы сүзлəргə нокта куйды. Бу турыда ул "Болгар" радиосында барган "Сəхнəдəш" тапшыруында сөйлəде.
Искəртеп үтик, "Интертат"та "Татар театры тарихында икенче мәртәбә чишенделәр: Әлмәт артистлары Камасутра күрсәтте", - дигəн мəкалə чыккан иде.

"Миңа бу спектакль авыр бирелмəде. Лəкин анда яшəргə, уйнарга авыр. Медея иренə карата нəфрəтеннəн, хыянəтне кичерə алмыйча, ике баласын асып куя. Мин үзем өч бала анасы. Шушы кичерешне йөрəк аша уздырып, халыкка җиткерергə кирəк. Бу роль минем өчен ниндидер сынау, стресс булды.

Əлбəттə, социаль челтəрлəрлəрдə минем турыда бик күп яздылар. Əмма берсенə дə ачуым чыкмады, бары тик рəхмəт кенə əйтəсем килə. "Кара пиар" белəн булса да, алар мине популярлаштырып җибəрде. Мин тəнкыйтьлəүчелəр белəн бəхəскə кермəдем. Минем дус кызларым скриншот ясый да, "Мəдинə, син ничек түзəсең, нигə син боларга җавап бирмисең", - дип җибəрə. Мин əйтəм, нигə? Шулай дип язучы кешелəрнең берсе дə ул спектакльне карамаган! Ул бит укымаган китап, карамаган кино турында гаплəшеп утырган кебек. Ничек инде спектакльне карамыйча минем өскə таш атарга була?



Юк, мин "Медея" спектаклендə чишенмəдем! Əлбəттə, анда бар шундый картина: кара квадратка мине биклəгəндə күлмəгемнең арты төшеп китə. Ул кайбер спектакльдə генə күренə. Ə менə фотограф шушы мизгелне тотып алган! Чыннан да шəп фотограф булган ул. Бу инде социаль челтəр өчен "азык" кына булды. Иң мөһиме - кешелəр язганны үземə укырга рəхəт иде миңа", - дип сөйлəде Əлмəт дəүлəт театры актрисасы Мəдинə Гайнуллина.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×