"Супер булган бу": Фирдүс Тямаев "Гомер үтә" җырына ремикс ясаган

16 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Салават Камалетдинов
"Гомер үтә" - Фирдүс Тямаевка популярлык китергән җырларның берсе. Ул Сәкинә Хәйруллина сүзләренә язылган. Көен Фирдүс үзе иҗат иткән. Җырчының YouTube каналында бу җырның видеосын 176 мең тапкырдан артыграк караганнар. 

Фирдүс җырының туган көне турында инстаграмында язган. "Кәефегезне күтәреп, иң яраткан, дәртле җырымны тыңлагыз әле. Никтер бу җырны тыңлагач, кәеф күтәрелә, яшисе килә. "Гомер үтә" 4 ел элек язылган җыр, ә барыбер туйдырмый!" - дип яза ул. 

Инстачылар "Бер җырың да туйдырмый. Барысы да эчтәлекле", "Сезнең концерттан соң, башка бер концертка да барасы килми", дип яза. 

Әлеге язма янындагы видеода Фирдүс Тямаев "Гомер үтә" җырын яңача җырлый. Тамашачылар ремиксны да ошаткан. "Көчле җыр, теләсә нинди ремикста да", "супер булган бу", диләр. 

Бу видеога йөздән артык комментарий язганнар, ярты көн эчендә 60 меңнән артык кеше караган.  


"Гомер үтә" җыры оригинал вариантта "Татар-информ" каналында тыңлап була.

   

"Гомер үтә"
Сәкинә Хәйруллина сүзләре,
Фирдүс Тямаев көе


Гомер үтә, нигә үтә
Еллар артын, ел йомгагын сүтә-сүтә.
Мут яшьлеккә, ут яшьлеккә
Сиздермичә хәлсез картлык килеп җитә.
Яшәп калыйк, янып калыйк,
Бу тормышта игелекле эзләр салыйк.

Айлар түгел, еллар түгел,
Гомер юлын бары матур эшләр бизи.
Армас-талмас йөрәкләргә
Җимеш булып килеп керер гомер көзе.
Яшәп калыйк, янып калыйк,
Бу тормышта игелекле эзләр салыйк.

Гомер үтә, нигә үтә,
Кешелекне уйга салып, сәгать суга
Яшәү ямен, тормыш ямен,
Саклар өчен син дә мин дә җиргә туган.
Яшәп калыйк, янып калыйк,
Бу тормышта игелекле эзләр салыйк.

Гомер үтә, нигә үтә
Еллар артын, ел йомгагын сүтә-сүтә.
Мут яшьлеккә, ут яшьлеккә
Сиздермичә хәлсез картлык килеп җитә.
Яшәп калыйк, янып калыйк,
Бу тормышта игелекле эзләр салыйк.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла