"Сеңлең китте, әйдә, соңлама!" Ришат Төхвәтуллинны өйләнергә кыстыйлар
"Сеңлең китте, әйдә, соңлама!" Ришат Төхвәтуллинны өйләнергә кыстыйлар
"Җәй уртасы, ә мин һаман да шәһәрдә. Бу яхшымы, әллә начармы?" - дип сораган Ришат Төхвәтуллин укучыларыннан.
Барысы да аңа өйләнергә кирәк дип яза башлаган.
"Өйләнергә вакыт җитте бугай инде. Аннан соң бергә ял итеп кайтырсыз. Бөтен акчаны эшләп бетереп булмас инде ул, ә өйләнер вакыт үтеп китәргә мөмкин, матуркаем", - дип акыл өйрәткән бер ханым.
"Өйлән дә, ял итәргә барыгыз", - дип киңәш иткән берсе. "Урманга утын төяп йөрмиләр", - дип каршы төшкән тагын берсе.
"Брат, калдың өйләнмичә. Сеңлең китте, әйдә, соңлама!"
"Кайчан өйләнеп куясың инде, шулкәдәрле чибәр, матур, сандугачтай моңлы тавышың, нишләп йөрисең соң, җанныкаем өйләнмичә дә? Бик килешә ак төс үзеңә... Ник Казанда әле син әле дә?"
"Матур егет инде, әрәм генә булды", - дип яза бер кыз, мөгаен, Ришатның сеңлесен кияүгә бирүен исәптә тотып.