Салават Фәтхетдиновның хатыны бройлерларын колбаса ашатып үстерә
Салават Фәтхетдинов ике кош түшкәсен көчкә күтәреп торган фотосын Инстаграммга элде.
Рәсем астына болай дип язган: “Вакыт булганда Челны бройлер чебешләрен эшкәртеп куйдым әле. Әйттем хатынга, колбаса ашатма, дип. Нык зур үскәннәр!”
Чынлыкта, Салават абыйның “чебеш” дигәне – күркә.
Фото бер сәгать эчендә 12 меңнән артык лайк җыйган иде.
Инстачылар арасында Салават Зәкиевичның юморын аңламаучылар да шактый күп.
Ә күпчелек укучысы изге теләктә.
“Нәрсә булса да, ит”, “Тынычлык белән ашарга язсын”, “Бер сарык хәтле, бер сыер боты кадәр бар”, “Нәрсә ашатып үстердегез?” дип язучылар да бар.