Салават Фәтхетдинов көчеге турында: “Үсте, акылы юк, тик яратам”
"Мал иясенә ошый диләр бит. Үпкәли күрмә инде, Салават абый", - дип язганнар инстачылар.
Салават Фәтхетдиновның “Хан” кушаматлы көчеге бар. Аны җырчының туган көненә Данир Сабиров бүләк иткән иде. Көчеге белән төшкән видеосын Салават Фәтхетдинов инстаграмына куйган.
- Дуслар, без "Хан" белән һава суларга чыктык әле. Үсте, акылы юк, тик яратам, - ди җырчы.
Халык видео астына ниләр генә язмаган:
“Яшь чакта акыл юк инде ул”.
“Салават абый, аның акылы картайгач та булмаячак. Токымы шундый! Кайсыбер кешеләр кебек”.
“Мал иясенә ошый диләр бит. Үпкәли күрмә инде, Салават абый".
“Хаски – җигүле этләр. Аларны элек-электән чыдамлы һәм җитез булулары өчен саннаганнар. Акылын да үстереп була, карап кына җиткермәгәнсез. Аларга көненә ким дигәндә ике сәгать урамга чыгып йөрү кирәк. Ә ирексезлектә алар акылдын шаша”.
“Матур алар, тик эт сыман өрә белмиләр. Елыйлар гына”.
“Урамга чыкканда, бәйдән ычкындырырга курыкмыйсызмы? Кешегә бик ышанучан бит хаски”.