Сабан туенда Тямаев булып кыланып, Данир Сабиров тавышсыз калган - видео
Сабан туенда Тямаев булып кыланып, Данир Сабиров тавышсыз калган - видео
Минзәлә районының Гөлек авылында Сабан туенда Данир Сабиров Фирдүс Тямаев булып җырлап йөргән. Шушы пародия видеосын ул инстаграмдагы сәхифәсендә күрсәтте.
"Сезнең Тямай. Минзәлә. Гөлек авылы. Фирдүс Тямаев, синең аркада мин бүген тавышсыз", дип язган Данир.
Видео кадрларында Данирның Фирдүсне күрсәтеп сикереп йөргәне, акырып-акырып җырлаганы күренә. Данир да аякларын төрле якка куйгалап сикерә, күкрәген киереп куя.
Инстачылар исә Данирга суга сикерергә киңәш итә. Фирдүс Тямаев Сабан туенда халыкны киемнәре белән суга чумдырган, дип язган идек.