“Рәвешләр” төркеме егетенең баласы туган!
Айдар Галиәскәров икенче тапкыр әти булган.
“Рәвешләр” төркеме әгъзасы Айдар Галиәскәров икенче тапкыр әти булган. Малай туган! Артист шатлыгын үзенең “Инстаграм” битендә уртаклашты.
“Хөрмәтле дуслар, зур шатлыгым бар. Бүген көндезге 11.00 сәгатьтә икенче тапкыр әти булдым. Чиксез шатмын. Бу хисләрне әти булган кешеләр аңлый инде. Рәхмәт тормыш иптәшем Алиягә! Мин сезне яратам!” – дип язган Айдар.
“Интертат” белешмәсе: Галиәскәровларның беренче уллары Әскәргә өч көн элек - 10 февраль көнне ике яшь тулды. Ике ел элек бәләкәчкә исемне Айдар һәм аның абыйсы Ринат Галиәскәровларның язылучылары бергәләп эзләгән иде.