Рәнис Габбазов  улының бәби чәенә Салават Фәтхетдинов та килгән

10 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: "Татар-информ" архивы, "Инстаграм"
Рәшит Ваһапов фестивале лауреаты бүген үз өендә улы Тимерлан хөрмәтенә бәби чәе уздырган.
Яшь җырчылар Гөлия Сагиева һәм Рәнис Габбазовның 21 октябрьдә уллары тууы хакында хәбәр иткән идек инде. Бәхетле әти-әни бүген нәсел дәвамчылары хөрмәтенә бәби чәе уздырган. Бу хакта Рәнис үзенең "Инстаграм"ында сөйләде.
"Бәби чәе. Нәрсә әйтеп була инде. Аллам, бик зур рәхмәт. Әти-әниләргә, яраткан хатыныма, туганнарыма, дусларыма һәм зур кунакларга бик зур рәхмәт әйтәсем килә!" - дип язган Рәнис. 
 
 
     
Дәрәҗәле кунаклардан  Алинә Шәрибҗанова, Венера Ганиева, тормыш иптәше белән Рифат Фәттахов, "ваһаповчылар" - Гөлсирин Абдуллина, Азат Абитов, Айсылу Габдинова һәм Татарстанның халык артисты Салават Фәтхетдинов та булган. "Ходай Тәгалә исәнлекләрен бирсен, икесе дә бик тырыш. Ходай Тәгалә тырышкан кешегә бирсен дип телим мин. Гөлия инде миңа бик якын бала. Рәнисне бик хөрмәт итәм.  Беренче җырын ишеткәч, үзем эзләп таптым. "Кем соң син, каян соң син?" дип. Бүгенге көндә мәдәнияттә кирәккәне дә, кирәкмәгәне дә бик күп. Рәнис бик кирәк. Бик матур пар. Ходай Тәгалә исәнлекләрен бирсә, аларның бөтен нәрсәсе дә булачак!" - ди Салават Фәтхетдинов.

 

"Мин бәхетле, улым Тимерлан бәхетле. Әле һаман елмаеп йөри",- дигән бәхетле әти. 

 

"Ваһаповчылар"ның әтисе Рифат Фәттахов Тимерлан - Рәнискә тагын да тырышып эшләргә стимул дип саный.

"Бүген яшьләр арасында Рәнис кебек моңлы җырчылар юк. Булса да бер-ике генәдер. Шуларның иң күренеклесе Рәнис. Мин моны аның продюсеры буларак кына әйтмим. Сез моны үзегез дә аңлыйсыз, күрәсез. Бүген аңа тагын да тырышып эшләргә зур стимул, мотивация бар. Гаиләләре ишәйде, балалары туды. Бу - бик зур бәхет!" - дип теләкләр әйтә Рифат Фәттахов. 
 
Рәнис Габбазов җыелган кунакларга "Сагындым авылымны" дип җырлап та биргән.

Посмотреть эту публикацию в Instagram

Бэби чэе Нэрсэ эйтеп була инде Аллам, бик зур рэхмэт Эти, Энилэргэ,яраткан хатыныма @g.sagieva, туганнарыма, дусларыма Зур кунакларга бик зур рэхмэт эйтэсем килэ @salavat_fatkhutdinov_official @vinera_ganeeva_official @r_fattakhov_ @alinasharipjanova Хэм уземнен яраткан @aisylu_gabdinova @gulsik93 @azat_abitov дусларыма Мин бэхетле, улым Тимерлан бэхетлеЭле хаман елмаеп йори #РанисГаббазов #дусларымтуганнарым #бэбичэе

Публикация от Ранис Габбазов (@ranis_gabbazov)


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла

ИНТЕРТАТ
Яндекс.Дзенда
Язылу
×