Рәнис Габбазов "Кара урман" җырын башкарырга Илһам Шакировны тыңлап өйрәнгән
Инстачылар Рәнисне Илһам Шакиров дәвамчысы дип атый.
Рәнис Габбазов «Кара урман» җырын Илһам Шакиров үрнәгендә җырларга өйрәнгән булган. Бу турыда ул инстаграмдагы сәхифәсенә язды.
«Илһам абый язмасын тыңлап өйрәндем. Сезнең башкаруда „Иске кара урман җыры“ бөтен яшь җырчыларга үрнәк җыр. Сез мәңгегә безнең йөрәктә», дип яза ул.
Инстачылар Рәнис Габбазовны «Илһам Шакировның дәвамчысы» дип атый. «Абау, нәкъ үзе булгансың», дип язалар. "Молодец, Илһамның дәвамчысы бар!" "Илһам Шакировның җырларын дәвам итүче Рәнис бар!" - дип язалар.
- 16 гыйнварда татар халкының легендар җырчысы Илһам Шакиров вафат булды. "Интертат"та Илһам абыйны сагынып әйтелгән җылы сүзләрне туплап биргән идек. "Мин бит тере йолдыз сымак, Балкып янар өчен озак, Мәңгелеккә китеп барам!" дип әйткән булган ул үзе.