“Олыларны да канәгатьләндерергә кирәк”. Әнвәр Нургалиев яңа стильдә җырлый башлаячак

20 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Динә ЙОСЫПОВА
Фото: Абдул Фархан
Башкортстанның атказанган артисты белән “Дуслык күпере” фестивалендә сөйләшеп алдык.
- Әнвәр абый, сезне Татарстанда бик яраталар. Нигә ешрак килмисез?

- Минем болай да сездән кайтып кергәнем дә юк. Көз көне сездә идек, хәзер менә апрель бетеп - сездә. Бер Татарстан, бер Башкортстан, бер Ульян өлкәләрендә инде.

- Төрле район һәм төбәкләргә йөрисезме?

- Йөрим, әйе. Күптән түгел Балтачта идек, хәзер, Алла боерса, Сабага барабыз. Аннан соң безнең Чаллыда өстәмә концерт булачак. Татарстаннан кайтканыбыз да юк инде.

- Нинди яңалыклар бар? Нинди проектлар эшлисез?

- Әлегә яңа программа эшлибез, анысын әле әйтеп бетерә алмыйм. Әзрәк үземнең стильне үзгәртәсе иде. Быел яңа программага әзрәк халык җырлары да кертәм, чөнки концертларыма олылар да йөри. Яшьләр дә күп. Олыларны да канәгатьләндерергә кирәк, яшьләрне дә үзеңә каратырга кирәк. Безнең культураның киләчәге яшьләрдә.

- Сез ике республикада да рәхәтләнеп чыгыш ясыйсыз. Әйтегез әле, кайда җылырак кабул итәләр һәм тамашачылар аерыламы?

- Кайдадыр бәлки аерыладыр да, әмма минем өчен барысы да яхшы. Мине Башкортстанда үзләренчә, яхшы кабул итәләр, алар мине күптән белә. Татарстанда сагынып каршы алалар.

- Һәр артистның халык кабул итмәгән ягы бар. Артист бу турыда “Мин анда бармыйм, мине анда яратмыйлар” ди. Сезнең дә шундый як бармы?

- Минем әлегә андый җирем юк.

- Ә кайсы якларда киресенчә аеруча яраталар? Татарстанда берничә көн рәттән концертлар куеп йөри торган җирегез бармы?

- Татарстанда Чаллыда, Казанда өстәмә концертлар бирәбез. Мәскәүдә көненә икешәр концертлар куябыз. Арчада алты көн сораганнар иде, мин дүрт кенә көн алдым, - диде җырчы.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла