"Минем бер генә сүз кабатлаганым истә: "Миннән башка күммәгез..."

12 февраль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Салават Камалетдинов
Татарстанның атказанган артисткасы Айгөл Бариева әнисен искә төшерә. Аның вафатына 20 ел...
Айгөл Бариева Инстаграм аккаунтында үзәк өзелерлек итеп әнисен искә ала:

"20 ел үтсә дә, барысы да һаман кичәгедәй күз алдымда... 12февраль. Кышкы буранлы бер көн. Красноярск өлкәсе, Енисейск шәһәре. Иртән торып иптәшем хезмәткә, ә мин үз эшемә (Мәдәният йортына) юл тоттым. Енисейск шәһәреннән читтәрәк урнашкан хәрби шәһәрчектә тору сәбәпле, эшкә автобус белән йөри идем. Шулай итеп, автобуска утыруым булды, кинәт ерактан безнең хәрби тулай торак комендантының автобуска таба йөгерүен күрдем. Кабалана-кабалана миңа кулын селки һәм ниндидер кәгазе кулында... Мин бернидә аңламыйм. Мине автобустан мәҗбүри, өстерәп алып чыгып, кулыма шул кагәзен тоттыра. ТЕЛЕГРАММА!!! АЙГУЛЬ! УМЕРЛА МАМА! ПРИЕЗЖАЙ!!! Бу ни бу????? Аңламыйм!!! Тагын бер кат укыйм. Һәм тизрәк тулай торакка таба чабам. Минем каршыма иптәшем чаба. Мин аңа өметле күзләрем белән карап: "Дәү әни?" - дип сорыйм. Ул миңа - "Юк, ӘНИ!" дип әйтмәсеңме...

Шул вакытта минем өчен дөнья тукталды!!! НИЧЕК??? НИ БУЛГАН??? ӘЛЕ КИЧӘ ГЕНӘ ИСӘН ИДЕ... АВЫРТМАГАН, УРЫН ӨСТЕНДӘ ЯТМАГАН. 47ЯШЬ... Соңгы хаты бер атна элек килгән иде. Барысы да яхшы иде биит (ул вакытта сотовыйлар юк иде, бары тик алдан заказ ясап, переговорный пункттан сөйләшә идек). Мин һаман ышанмыйм!!! Линарга тизрәк переговорный пунктка телефоннан заказ бирергә кушам. Трубканы Әниемнең абыйсы ала. Бу хәл ДӨРЕС... Һәм шул вакыттан бирле мин берни дә хәтерләмим... Ничек җыенып юлга чыгып китүләребезне, ничек билет алуларыбызны (ул вакыт безгә ярдәм иткән дусларыбызга мең рәхмәт. 1998ел. Замана авыр. Иремә зарплатаны тушенка, сухой паек белән бирделәр. Ә самолет бәясе бер кешегә 30мең!) Ә минем бер генә сүз кабатланганым истә: Миннән башка күммәгез, миннән башка күммәгез.

Ниһаять, ике перелет кичеп, килеп җиттек өйгә... Өй тулы кеше... һәм УЛ! ӘНИЕМ!!! ШУНДЫЙ УК ЯШЬ, ЧИБӘР, ҺӘТТА БИЗӘНГӘН. ЛӘКИН ИСӘН ТҮГЕЛ! Карыйм һәм ышанмыйм! Ничек? Ни өчен? Әле 3 ай элек кенә безнең никахыбызда утырып, вокзалда исән сау килеш безне озатып, март аенда мин аңа кунакка кайтырга дип вәгьдә иткән килеш. Ә УЛ ЮК!? Бу үлем белән мин һаман килешә алмыйм... Болай булырга тиеш түгел иде. Моны үз башыннан үткән кеше генә аңлый ала шул... Ләкин мин мондый хәсрәтне кичерергә дошманыма да теләмәс идем!! Шуны гына әйтәсем килә!!! ИСӘН ЧАКТА ӘНКӘЙЛӘРНЕ, ӘТКӘЙЛӘРНЕ, ГОМҮМӘН ЯКЫН КЕШЕЛӘРЕГЕЗНЕ КАДЕРЛӘГЕЗ!!! ГОМЕР БЕР МИЗГЕЛ!!! УРЫНЫҢ ОҖМАХТА БУЛСЫН, ӘНИЕМ...

Фикерләр








Социаль челтәр йолдызлары

Әтнә һәм Мөслим районы башлыклары Хаҗ сәфәренә киткән

Әтнә районы һәм Мөслим районы башлыклары Мәккәгә хаҗ кылырга киткән. Габделәхәт Хәкимов һәм Рамил Муллин белән төшкән фотосүрәтне Татарстан Республикасы мөфтие Камил хәзрәт Сәмигуллин Instagram челтәренә куйган.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла