"Мине рәсми рәвештә кияү дип атарга була!" Иң "текә" татар блогеры "Татар-малай" яшереп өйләнгән?

8 Июня 2018

Укылган: 2201 тапкыр

Иң популяр татар блогеры – Ринат Галиәхмәтов сөйгән яры Илүзә белән ЗАГС документы тотып төшкән фотоларын урнаштыргач, укучылар гаҗәпләнеп калды. Һәр адымы хакында әйтеп барган блогер рәсми никахлашуын кунаклар чакырмыйча, тыйнак кына уздырып җибәргәнме? “Татар-малай” белән “Татар-информ” хәбәрчесе сөйләште.

- Бу рәсми рәвештә никахлашу түгел, - дип аңлатты Ринат. – Без никахлашу өчен ЗАГСта гариза бирдек, ә алар безгә шушындый сертификат бирде, анда без “кияү һәм кәләш” дип аталган. Мондый әйбер хакында белми идем, күрәсең бу тәртип әле яңа гына кертелгән. Кешеләр бу фотоны күргәч, әллә регистрация булдымы диләр.

Без гаризаны электрон форматта мартта бирдек, бүген килеп алдык. Икебез дә эштән сорап китеп, барып алдык. Дулкынландыра торган вакыт, бу мизгелне истә калдырачакбыз. Бу дәүләт белән безнең өчебез арасында бәйләнеш бар дигән сүз. Бер беребез арасында да бәйлелек бар хәзер. Әлегә кадәр безне кияү белән кәләш дип әйтеп булмый иде, ә хәзер инде әйтеп була. Шуңа шатланып, инстаграмга куйдым.

Мин бик шат, безнең туганнар Туган Камада, Илүзәнеке Апаста, туйны оештыру бик авыр, нервлы эш, гариза язгач, ун процент эшләнде дип уйладык. Дулкынландыргыч, бәхетле мизгел. Аннары Дәүләкигә, туй узасы җиргә бардык.

- Рәсми никахыгыз кайчан булачак?

14 июльдә. Туй Дәүләкидә (Давлекеево) булачак. 3 ай элек дусларымнан кайда уздырыйк туйны дип сораган идем. Кешеләргә охшый торган зал кирәк иде - 100 дән артык кешегә исәпләнгән һәм биергә урыны да булсын.

- Туйга Элвин Грейны чакырдыңмы соң?

- Радик Юльякшинны чакырдым, мин бит Илүзәгә аның концертында тәкъдим ясадым. РишатТөхвәтуллины чакырдым. Килерләрме, әлегә белмим, аларның концерт вакыты. Килмәсәләр, һич үпкәләмим.

Туй тулысынча татарча булачак. 99 процент кунаклар – татарлар, башкалар да чакырулы, әмма туй татарча узачак.

Бер күңелне кырган әйбер булды. Сертификатта без русча “жених и невеста” дип язылган. Бер татар сүзе тапмадык! Кияү белән кәләш дип язсалар, күңеллерәк булыр иде.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла