Мәрхүм Майкл Джексон турында яңа факт ачыкланган: ул хатыны белән бер тапкыр да йокламаган

Майкл Джексонга ике бала табып биргән хатыны журналистларга бер яңалык әйткән: баксаң, аларның Майкл белән беркайчан да интим мөнәсәбәтләре булмаган икән, дип яза Лайф.ру.

Майкл 38 яшендә 37 яшьлек Дебби Роу исемле шәфкать туташына өйләнә. Туйлары 1996 елда Сидней шәһәрендә була. Майкл әле генә хатыны Лиза Пресли белән аерылышкан була, парның балалары булмый. Әмма Майкл бик тә бала тели.

Шушы көннәрдә Дебби Роу Майкл белән яшәү үзенчәлекләре турында сөйләгән. "Өч ел бергә яшәп, ике бала тудыруыбызга карамастан, безнең арада беркайчан да җенси мөнәсәбәт булмады", - дигән ул.

"Майкл мине савыт буларак кына кулланды. Мине атны аталандырган кебек ясалма рәвештә аталандырдылар", - дип сөйләгән Дебби. Балаларының Майклдан түгел, башка ир-аттан булуы да ихтимал, ди, чөнки аңа донор мәние керткәннәр. Улының да, кызының да чәче һәм тәне аксыл төстә. 

Роу белән Джексон хатын эшләгән дерматология клиникасында танышкан була. Хатын аңа шул рәвешле бала табып бирергә ризалык бирә, чөнки ирне "бәхетле итәргә тели", диелә хәбәрдә.