Ландыш Нигъмәтҗанова улының Илсинәнең дә малае буласы килә
Ландыш Нигъмәтҗанова улының Илсинәнең дә малае буласы килә
Җырчы Ландыш Нигъмәтҗанова гаиләсе җәен Балтач районындагы авылда яшәгәнен беләсездер инде. Җәй авылда эш күп, шуңа Ландышның кечкенә улы Гомәр... Илсинәнең дә малае булырга тели.
"Илсинәнеке дә булам, синеке дә", - дип аңлата ул әнисенә.
"Нишләп Илсинәнеке дә? Юк, мин сине беркемгә дә бирмим", - ди Ландыш.
"Юк, мин бит синеке дә, аныкы да булам", - дип аңлатмакчы була Гомәр.
"Ни өчен Илсинәнең малае буласың килә?" - дип кат-кат сорый әнисе.
"Бик күп сыерлар, сарыклар, бозаулар", - дип аңлата Гомәр Илсинәнең улы булырга кызыгуын.
"Анда бит эш күп! Илсинәнең малае булсаң, эшләргә туры киләчәк", - дип үгетләп карый Ландыш.
"Мин синеке дә булам бит. Син дә эш кушарсың миңа", - дип вәгъдә итә Гомәр.