Илсур Шәрипҗановның үз куллары белән ясаган капка-коймасы матурмы?
Инстаграм укучылары икегә бүленгән.
Илсур Шәрипҗанов әнисенә бүләк ясаган - Актаныш районы Чалманарат авылындагы төп нигезләренә капка белән койма эшләп куйган.
"1 сентябрьдә башлады, 7 ноябрьдә төгәлләп куйды Илсур. Башланган эш - беткән эш ди. Мәрхүм әтинең проектын калдырып яңартып эшләде. Әнинең балалары бар яктан да уңган",- дип яза Гөлназ Шәрипҗанова.
Баксаң, Илсурның энесе Нәсим үзе үстергән үгезне базарга чыгып үзе сата, ә сеңлесе Язилә 17 яшендә "права"га имтихан тапшырган, бүлмәдән дә чыкмыйча китапка күмелеп, БДИга әзерләнә икән.
Үзен дә мактап куярга онытмаган Гөлназ. "Ә килене, килене?! Хәер, мәшәкатьләп йөрмәсәм - шул миннән файда. Чалманарат авылында шушындый капка күрсәгез, үткәндә пипләтеп китегез", - дип язган Гөлназ Шәрипҗанова.
Гөлназның инстадуслары икегә бүленгән. Берәүләр мактый, икенчеләр гаеп таба. "Нигә өй түбәсе төсендә ясамадыгыз?"диючеләр дә бар.