Илсөя Бәдретдиновага Корбан ашларыннан соң күп нәрсә аңлашылмый башлаган

21 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Җырчы Илсөя Бәдретдинова инстаграмында күп бәхәсләр кузгатырлык мәсьәлә күтәрә.

"Минем бу постны "нәрсәгә кирәкмәгәнне кашый инде" дип кабул итмәгез. Чынлап та кайбер нәрсәләрне аңламаганга язам. Бик четерекле темага кагылам, алдан ук әйтәм, бер кемне үпкәләтергә теләмим!

Берничә җирдә корбан ашында булдым быел. Төрле җирдә төрле йола...

Бер ханым өстәлгә куелган кыяр белән помидорга бәйләнде. Имеш, ул "закуска" һәм ул дини бәйрәм өстәленә куелырга тиеш түгел. Икенчесе әйтә мөселманнарга балык ашарга ярамый ди, чөнки ул чалынмаган.

Өченчесе өстәлдә бөтен нәрсә хәләл кибеттән алынган булырга тиеш ди. Гомумән аңлатыгыз әле мин җүләргә, хәләл кибеттән алган күкәй белән базардан алган күкәй арасында нинди аерма бар? Менә уйлап утырам, безнең тавыклар хәләл күкәй саламы икән ул? Чөнки әтәчне керәшен Гена бабайдан сатып алдык.

Ә нинди була ул хәләл туңдырма?

Аннан аңламыйм, хәзер хәләл каш ясау модага керде. Җонны йолку ярамый. Бу тәндәге бөтен җонга да кагыламы?

Тырнакны буярга ярамый, ә битне ярый. Анламыйм бит.

Биттәге җыерчыкларны укол ярдәмендә тигезләргә ярамый, чөнки бу "Аллаһының биргәненә каршы килү" дип санала икән. Миңа шулай аңлаттылар. Ә нигә тешне яматырга ярый? Чересен шунда...

Хәтта эт күтәреп фотога төшкән өчен дә эләкте үземә...

Без бәләкәй чакта корбан итнең сөякләрен җиргә күмәргә кирәк, этләргә бирергә ярамый диләр иде. Соңрак бәйдәге эткә бирергә ярый башлады. Ә хәзер?

Шәһәр җирендә йөзләгән сарык бер көндә чалына һәм эшкәртелә. Сөякләрен, эч-башларын, тиресен кая куялар икән? 

Безгә әбиләребез Ходай бар ул дип өйрәтте. Ә хәзер Ходай дияргә ярамый. Нигә шулай өйрәттеләр микән безне?

Дин инстаграмга ничек карый икән? 

"Син корбан гаете көнне булса да фото куймыйча тор инде" дип язалар миңа. Мин монда яхшы, монда начар була белмим. Мин стабильно начар. Мин чын күңелемнән Аллаһының барлыгына, берлегенә ышанам! Кулымнан килгәнчә белгәнемне укыйм. Ышанган, чынлап та акыллы диндәге кешеләрне бик нык хөрмәт итәм. Ләкин соңгы вакытта Коръәнгә обновлениеләр киләме соң, аңламыйм", - дип язган Илсөя. 

"Әйдә сөйләшмик әле. Булган медаль, статуэткаларыңны кире алмагайлары. Хәзер шулай ич. Әле булмаган атказанган исемеңне алырга мөмкиннәр", - дип кисәткән Илсөяне "Болгар радиосы" һәм ТНВ телеканалы алып баручысы Айгөл Хәйруллина.

"Бик күп мондагы фикерләр диннән ерак булганнарның фикерләре. Коръәндә бар да язылган. Аны беркем берничек үзгәртә алмый. Хәзер бик күпләр килә дингә, ләкин үзләренчә үзгәртергә тырышалар", - дип язган Илсөянең бер инстадашы.

"Интертат" Илсөя Бәдретдинова билгеләгән һәр сорауга җавап алырга тырышыр.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла