Габдерәхим: "Айгөл Бариева, сары матбугатны сүкмә! Сары матбугатны укырга кирәк!"
Габдерәхим: "Айгөл Бариева, сары матбугатны сүкмә! Сары матбугатны укырга кирәк!"
Татарстанның атказанган артисты Айгөл Бариева, Инстаграмда туры элемтәгә чыгып, ни өчен сары матбугатка языласыз дигән сорау белән халыкка мөрәҗәгать итте. Ул Инстаграмга ялангач ботларын күрсәткән фото куйган иде. Бер татар газетасы җырчының шушы фотосын һәм укучыларның җырчыны тәнкыйть итеп язган комментарийларын күчереп бастырды. Айгөл Бариева Инстаграмдагы постында газеталарны тәнкыйть итеп язды. "Нигә сез акчагызны әрәм итеп газеталарга языласыз?" - дип сорый ул укучыларыннан.
Журналист Габдерәхим Айгөл Бариеваны сары матбугатны укырга өндәде.
"Айгөл! Җаным! Айгөл Бариева! Сары матбугатны сүкмә! Сары матбугатны укырга кирәк, Айгөл Бариева! Мин - Габдерәхим малай, сары матбугатта сине мактап язачакмын. Син - во! Мин сине яратам! Яшәсен Айгөл Бариева! Куллар тотыштык, йолдыз-йолдызчык, һәммәбез тату, бездә – сәхнәдә Айгөл Бариева гына җырлый!" - дип җырлап та күрсәтте Габдерәхим.