Габделхәй Биктаһиров: Хәния Фәрхинең каберенә таш куюны кичектерергә туры килде

11 июль 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Салават Камалетдинов
Кабер ташын җырчының вафат булган көнендә - 27 июльдә урнаштырачаклар. 
"Онытылыр димә..." истәлекләр китабын Чаллыда 30 май көнне С. Садыйкова исемендәге концертлар залында җырчы истәлегенә багышлап уздырылган концертта һәр тамашачыга бирделәр, дип яза "Челнинские известия" газетасы. 

Зал тулы булган, тамашачылар күз яшьләре белән танылган җырчы репертуарындагы җырларны тыңладылар. Концертта Хәмдүнә Тимергалиева, Фирдүс Тямаев, Айгөл Бариева, Илгиз Закиров һәм башкалар чыгыш ясады. 

"Онытылыр димә..." дип аталган сурәтле китап 3 мең данәдә, рекордлы срокта - 2 ай эчендә язылган. Авторларның берсе - Чаллы язучысы Айгөл Әхмәтгалиева - тамашачылар, җырчыны якыннан белгән кешеләр алдында сүз тотты. Болар: КДМЦ табибы Әнисә Вәлиева, ул Хәния Фәрхинең икенче кызы Алсуны беренче булып кулларына алган табиб. Шулай ук, "Бәйрәм" ансамбле баянчысы Наил Мөхәммәтҗанов һәм Чаллыга ире янына күченеп килгәч, җырчы эшләгән "Энергетик" мәдәният йортының директоры Гөлзада Рзаева. 



"Хәния Фәрхигә һәйкәл әзер, без аны Казанның Яңа татар зиратында 27 июль - вафат булган көнендә урнаштырачакбыз, - дип сөйләде "Челнинские известия" газетасына җырчының ире Габделхәй Биктаһиров. - Эскизны мин 13 вариант арасыннан сайлап алдым. Иртәрәк - 27 майда куярга планлаштырган идек, ләкин техник сәбәпләр аркасында кичектерергә туры килде: ташны соң алып кайттылар".



Татарстанның һәм Башкортстанның халык артисткасы 2017 елның 27 июлендә туган ягы Башкортстанда вафат булды. Хәния Фәрхигә 57 яшь иде. 


Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла