Гөлнара Нурмөхәммәтованың йөгерү турында кыйссасы

25 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Татар журналисты, блогер Гөлнара Нурмөхәммәтова инстаграм аккаунтын саф татар телендә алып бара.

Чираттагы кызыклы язмасы йөгерүгә багышланган. Гөлнара үз тәҗрибәсен тасвирлый.

"Кичләрен йөгереп йөри башладым бит әле.

Ну, вакыты җиткәч, оешып бетеп булмый бит, ә?! Балаларның кисәк ашыйсы килә башлый, аннары берәрсе аш түгә, икенчесенең йомышы барлыкка килә.

Качып киенеп, эшем тәмам дип чыгуым була, ахшам да җиткән инде. Азан тавышы яңгырый, кире кереп намаз укыйм.

Шул арада чыгып киткәнне Камал күрә: "Әни син тая" дип башлый. Нәнине көйләп, төн җитә.

Балаларны да ияртер идем дә, бераз тынлыкны ишетеп, тынычлап йөгерәсе килә (минем кебек әниләр шәт бардыр).

Менә, ниһаять, Гөлнара йөгерергә чыгып китә. Фермага җитәрәк бүре кадәр эт - Рекс очрый. Беренче көнне Энҗе әниемә "мине коткар" дип шалтыраттым. Юаш, акыллы эт булып чыкты. Караңгыда йөгерә торгач, күзгә әллә нинди ак әйберләр күренә башлый. Куркыта... Ул ак әйбер каен кәүсәсе булып чыга.

Кичә юл уртасында отжимание ясап ятканда, бер куркыныч вакыйга искә төште.

Әнием ут сүнсә шундый кызыклы да, куркыныч хәлләр сөйли иде.

Бер абзый төнлә районнан авылга кайтып барганда артында нидер кыштыртаганын ишетә. Борылып караса, ак багана бара икән артыннан, бу йөгерә, багана да йөгерә. Тирләп пешеп, көч-хәл белән өенә кайтып кергән. Эшләпәсен салса, калын гына ак җеп эленеп тора. Артыннан йөгереп барган теге багана ак җеп булып чыккан.

Азагы ничек тәмамланганын белсәм дә, әнигә гел шул вакыйганы сөйләтә идем.

Ул кич чыкканда бер-беребезгә шайтан - җеннәр турында сөйләр идек тә, кайтырга куркып тора идек. Күңелле чаклар.

Әйдәгез страшилкалар сөйләгезче", - дип язган Гөлнара.

Бу пост астында Гөлнараның инстадашлары кызыклы-куркыныч хәлләр турында язып калдырганнар. 

Гөлзар Вәлиева мондый хәлне исенә төшергән: "Берсендә "Татарстан яшьләре"ннән укыдык. Апа-сеңел мунчага кереп киткәннәр. Апасы түргә кергән дә, сеңлесе чүмеч сорый ди. Апасы чүмечне алган да мәәәә дип, кулын озынайтып басмыйча гына сузган. Сеңлесе күзен акайтуга, мин әле аякны да суза беләәәм дип, аякларын да сузган. Шул вакыт ишектән апасы килеп кергән, тегесе җен булган, юкка чыккан". 

Калган кызык хәлләрне Гөлнараның постыннан укыгыз. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла