Фирдүс Тямаев үзенә ошамаган кешеләрне аккаунтыннан куган
Фирдүс Тямаев үзенә ошамаган кешеләрне аккаунтыннан куган
Фирдүс Тямаев үзенең иҗади төркеменә яңа талантлар эзли. Бер биюче кыз кирәк икән аңа. Ул үзенең "Тямай бандасына" килергә әзер булучыларны шартлар белән таныштырган. Барабанчы, гитарачы һәм биючеләр кирәк икән. Шартлары - кияүгә чыкмаган, өйләнмәгән, егете-кызы булмасын. "Алайса гастрольдә йөргәндә мишәйт итәчәк. Мин сезне просто люблю", - ди ул.
Фирдүснең бу шартларын ошатып бетермәгәннәр:
"Тямай, сиңа барам дип хатын белән аерылышып булмый инде".
"Кыз да булсын, буаз да булсын дигән кебек булды инде бу".
"Садикта бар андыйлар".
"Искеләре китеп беттеме әллә?"
"Срочно барабанда уйнарга өйрәнсәм дә, булмый икән, мин кияүдә".
"Стандарт таләпләр - балалары булмасын, авырмасын, ире булмасын, әмма зур тәҗрибәсе һәм теләге булсын. Хәзер гастрольләргә генә түгел, офисларга да шундый таләпләр белән алалар. Күңелсез картина".
Башкалар исә Фирдүсне яклап язганнар:
"Аңламыйм кешеләрне. Фирдүс абый ачык әйтеп бирде шартларны, ник бәйләнәсез? Дөресен әйтә, эштә бик кыен булачак пары булса. Гел контроль".
Әмма Фирдүс яклап язучыларга мохтаҗ булып чыкмаган:
"Кайгырмагыз, б...к чэйнэп утырганнарны блокировать иттем !!!" - дип язган ул.
"Энем, бик дөрес эшлисең, капка төбендә чәйнәшсеннәр", - дип җавап биргән блокка эләкмичә калганнар.
