Фәнис Җиһанша: "Үстерергәме, кистерергәме?"
Фәнис Җиһаншага прическа сайлауда ярдәм кирәк.
Актер Фәнис Җиһанша чәчен үстерергәме, кистерергәме дигән сорау алдында калган.
Фәнис Җиһанша “Инстаграм”дагы битенә кыска һәм озын чәчле сурәтләрен куйды. Шулай итеп ул дусларыннан ярдәм сорый. “Кисәргәме, әллә үстерергәме?” ди ул. Өч фотода өч төрле прическа. Беренчесендә артистның чәче җилкәсенә төшеп тора, икенчесе белән өченчесе арасында аерма да юк кебек, әмма Фәнис укучыларга өч төрле образга тавыш бирергә куша.
Дуслары Фәнискә төрле киңәш бирә. “Чәчне үстереп кенә беренче фотодагы кебек яшь чаклар кире кайтса икән ул”, “Үстерергә”, “Озын чәч тә килешә, яшь егет буласыз, уртача озынлыктаны белән җитәкчегә охшыйсыз, кыскасы – өлкән кеше”, “Фәнис, син чәчсез яшьрәк күренәсең” дип язучылар бар.