Дилә Нигъмәтуллина сәдака өләшү турында: "Күпме алып киләсең, шуның кадәр үк җыеп кайтып китәсең бит инде"
Дилә Нигъмәтуллина сәдака өләшү турында: "Күпме алып киләсең, шуның кадәр үк җыеп кайтып китәсең бит инде"
Җырчы Дилә Нигъмәтуллина балачакта ашларның икенче төрлерәк узуы турында язган.
"Бәләкәй чакта Коръән ашларына сөенәсең, чөнки акча бирәләр һәм тәмлүшкәләр ашыйсың!!! Әни гадәттә елына бер-ике тапкыр укытып ала иде. Үсә төшкәч? ул минем өчен дә зур җаваплылык иде, чөнки миңа "коронный десерт" - алма рулеты эшләтәләр иде.
Казанга килгәч? башка кешеләргә ашларга йөрергә туры килде. Татарстанда башкача икән", - дип йөрдем.
"Бүгенге көн белән чагыштырганда, 20-30 ел элек булган дини мәҗлесләр икенчерәк иде. Әллә кешеләр, әллә дин әһелләре үзләре мәҗлесләргә яңа кагыйдәләр кертә. Югыйсә, кайбер әйберләр миңа үземә дә кызык булып тоела иде. Мәсәлән, сәдака өләшү. Үсмер чакларда нәрсәгә бу апалар бер-берсенә акча бирәләр икән. Күпме алып киләсең, шуның кадәр үк җыеп кайтып китәсең бит инде. Әнидән сорый идем, әмма ул нигәдер мине кәнәгатьләндерерлек җавап кайтармый иде", - дип хатирәләргә бирелгән җырчы.
"Ә Коръән ашына килгәндә, барыбер элеккечә эшлим. Зур кәстрүлгә өч төрле ит кушып аш куям. Токмач кисәм (бу юлы алып килделәр, рәхмәт төшкере). Ашның итен алып, суган турап аерым пешереп алам. Аерым бәрәңге пешерәм. Өстәлгә ит белән бәрәңге һәм токмачлы аш чыгарам. Ах, аның тәмлелеге. Ә бәлешләрдән гөбәдия. Менә бу өч әйберне мин беркайчан да үзгәртмәячәкмен. Балачакны, әбине, әнине хәтерләтә", - дип язган җырчы.
Инстачылар Диләнең тәрбияле, абый-сеңел мөнәсәбәтләренә соклануларын язганнар.
Кайберәүләр аш-су әзерләү үзенчәлекләре белән уртаклашкан. "Бездә ит белән бәрәңге янына кәбестә дә пешереп салалар. Аның кәбестәсе итенә караганда тәмлерәк була әле", - дип комментарий калдырган берсе.