Дилә Нигъмәтуллина нигә турыга карап фотога төшми?
Җырчы Дилә Нигъмәтуллина үзенең Instagram челтәрендә бары тик үң якка гына карап төшкәнен язган һәм моның сәбәбе бар икәнен әйткән. Без әлеге сәбәпне ачыкладык.
Дилә Нигъмәтуллина ни өчен камерага туры карап төшми? Җырчының үзе белән сөйләштек.
“Бу сорауны миңа еш бирәләр. Беренчедән, руслар әйтмешли, уң ягым минем өчен “рабочая сторона”м, шуңа күрә уң якка карап төшәм. Икенчедән, борынымда зур киста бар. Туп-туры карап төшсәм, ул күренеп тора. Беркайчан да туры карап төшмим, бары тик паспортта гына фотографиям шундый”, - диде җырчы.
Әлеге пост астында җырчы битенә язылучылар: “Сул як битне корт чапкан...”, “сул як битендә миң яки шрам бар”, - дигән фикерләрен калдыганнар.
Операция ярдәмендә кистаны алып куеп булмый микән? “Мин операцияләрдән куркам, ә болай бәлки буладыр да”, - диде Дилә.
