"Болгар радиосы" алып баручысы Рушан Хантимеров өйләнгән
"Болгар радиосы"нда "Авыл сулышы" тапшыруын алып баручы һәм "Яңалыклар" хезмәтендә эшләүче Рушан Хантимеров өйләнгән. Бу хакта “bolgarradiosi” Инстаграм челтәре хәбәр итә.
“13 апрель көнне Рушан сөйгән яры белән никах укытты. Кәләш Рушанның якташы - Апас районы кызы. "Сөйгәнемнең исеме - Рузия. Әниемнең дә исеме Рузия. Тиздән гаиләбездә рәсми рәвештә ике Рузия Хантимерова булачак, Алла боерса", - дип сөйләгән Рушан.
Яшьләр туйны зурлап үткәрергә теләми. Май аенда язылышып, әлеге вакыйганы якыннары белән генә билгеләп үтәргә җыеналар”, - диелгән Инстаграмда.
Фотодан күренгәнчә, никахны "Гаилә" мәчете имам-хатыйбы Рөстәм хәзрәт Хәйруллин укыган.
Фотодан күренгәнчә, никахны "Гаилә" мәчете имам-хатыйбы Рөстәм хәзрәт Хәйруллин укыган.