"Болгар кызлары"н телевидениедәге Яңа ел тамашасына кертмәгәннәр
"Болгар кызлары" җырчысы Ләйсән Басыйрова "Яңа ел огонегы"на эләгә алмавы турында яза.
"Барыбыз да 31 декабрьдә рус һәм татар эстрадасы җырчылары катнашында "Голубой огонек" карый. Без барыбыз да матур сурәт күрәбез, барысы да бәйрәм белән котлый, әмма мин бүген бу күз буяуның арткы ягын күрдем", - ди яза Ләйсән.
Ул телевидениегә ""Голубой огонек" төшерергә килгән, аларны 12.35 сәгатькә чакырган булганнар. "Башта безнең "йолдызлар" "балаларыбыз бар" дигән сылтау белән чиратсыз керде, ә без - 6 кеше, шулай ук балаларыбыз, эшебез, укуыбыз булса да, тыныч кына карап тордык.
Оештыру - аерым тема. Массовкага килгән кызлар арасында үз-үзләрен карамаганнары бар иде, аяк киемен дә алыштырмаганнар. Съемкага килгәнсең икән, дәрәҗәңне белеп киенергә кирәктер бит инде. Мин университетка да андый кием белән бармас идем. Кыскасы, күп вакыт сарыф итүгә карамастан, без борылып чыгып китәргә мәҗбүр булдык. Кызганыч, әмма ярар инде..."