Бабек Мамедрзаев “Красивая, хороший” җыры буенча мәсьәлә аның катнашыннан башка хәл ителәчәгенә өметләнгән

11 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Зилә МӨБӘРӘКШИНА
Фото: Инстаграм
Элвин Грей белән Гүзәл Уразова арасындагы низагка карата фикерен “Красивая, хороший” җырының соавторы Бабек Мамедрзаев инстаграмына язган.

“Мин “Я встретил тебя, Субханаллах” җырының төп нөсхәсен “Элвин Грей” лейблы белән берлектә яңадан эшкәртеп, “Черноглазая” һәм “Красивая, хороший” җырларын ясау турындагы килешүгә аек акылда була торып кул куйдым. Игътибар итүегезне сорыйм: бу ситуациядә Элвин Грей һәм Бабек Мамедрзаевтан башка бүтән соавторлар юк. Ә Эльвира Сафинага җырны тәрҗемә иткәне өчен аерым рәхмәт әйтәм! Уразова ханымга җырны ялгыз башкарырга тыймыйбыз. Җырның дуэт вариантын кабатланмас моңлы тавышы белән бизәгәне өчен рәхмәт аңа”, - дигән Бабек Мамедрзаев.

Бабекка карата җырчы Гүзәл Уразова җавап язып калдырган: “Бабек, мин сине иманлы кеше буларак, кешеләрне алдап йөрмәссең дип уйлаган идем. Бик кызганыч. Сүз мин иҗат иткән “Красивая, хороший” җыры турында бара. Синең авторлыктагы җырның музыкасы бөтенләй башка. Синең “Красивая, хороший” җырының кушымтасының сүзләрендә генә авторлыгың бар. Татар телендә сүзләрне Эльвира Сафина язды һәм бу берничек тә тәрҗемә түгел. Аранжировка – Радикныкы. Бабек, Сез дә кеше алдында ялган язып ятасыз булып чыга. Мин Сезне беренче тапкыр җырның дөньяга чыккан вакытында күрдем. Бездә барлык язышкан хатлар, без сөйләгән дәлилләр дә бар. Тиздән моны барысы да күрер һәм белер. Син үзең дә ялган юлында икән. Моңа ышануы авыр. Мин синең намаз укыганыңны беләм. Моның өчен җавап судта түгел, ә “тегендә”, син беләсең”.

Бабек Мамедрзаевка “Бабек, ир-ат бул! Сорауларны шәхсән үзең хәл ит. Инде хәзер син дә бәхәс аркасында шау-шу чыгарырга булдыңмы?”, - дип язганнар. Бабек исә: “Бу мәсьәлә соңгы мизгелгә кадәр минем катнашымнан башка хәл ителер дип өметләндем. Әмма күбесе, җырның төп нөсхәсен башкаручы буларак минем фикеремне көтте. Мондый форматтагы “хайп” мине бер дә кызыксындырмый! Мин бары тик гаделлек өчен!" - дигән Бабек.

Фикерләр








Социаль челтәр йолдызлары

Аида Гарифуллина Голливуд актерлары белән бергә төшкән фильм Россиядә күрсәтелә башлый – видео

Дөньякүләм танылган опера җырчысы Аида Гарифуллина инглиз режиссеры Стивен Фрирзның “Примадонна” фильмында Голливуд актерлары белән төшкән. Бу хакта ул инстаграм битендәге видеомөрәҗәгатендә әйтте.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла