Айгөл Рәхимова күршеләренең фатирларын суга батырган

12 октябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
“Су кранын ябып куярга акылыма килмәгән”, – ди җырчы. 

“Шушы көннәрдә тормышымнан бер кызыклы хәл искә төште. Мин 7-8 яшьләр тирәсендә, Яңа Чишмәдә 3 катлы йортның 3 нче катында яши идек”, – дип искә ала Айгөл.

“Әти-әнием эш буенча каядыр киткәндә, мин әбиемдә кала идем. Ул юл аша гына яшәде. Шулай бер көнне әбиемә килдем, бераз уйнап алдым, аннан соң миңа ямансу булып китте. Фатирыбызга кайтырга уйладым: әти-әни дә өйдә түгел, анда курчакларым да күбрәк.

Безнең аста – 2 нче катта Лена әби яши иде. Аның табада кыздырган бәрәңгесен мин беркайчан да онытмаячамын. Ул гына аны шулай тәмле пешерә иде. Минем дә күрше Лена әби кебек бәрәңге кыздырып карыйсым килде. Бәрәңгене таптым, чистарта башладым ­ ­­– нәкъ зурлар өйрәткәнчә.

Һәм шул заман йортта суны яптылар: ремонт эшләре бара иде, ахрысы. Эшемне ярты юлда ташлап, әбиемә кереп киттем. Аның ашы дә әзердер, мин ач бит инде. Ә менә су кранын ябып куярга акылыма килмәгән.

Кич җитте, телефон шалтырый. Линиянең икенче ягында – Лена апа. Трубканы алып тыңлый башлагач, бабайның күзләре маңгаена менде. Кычкыра-кычкыра өйдән йөгереп чыкты. Ул бик озак кайтмый торды. Әбием борчылып, аның артыннан китте. Мин дә әбиемә иярдем.

Фатирыбызга килсәк, ни күрик: бәрәңге дә, кабыгы да суда йөзеп йөри. Китаплар, ковер – бөтен дөнья суга баткан. 1 нче катка кадәр су төшкән. Әти-әнием кайтуга, аларны сюрприз көтә иде.

Нәтиҗәдә без ремонт ясадык. Лена әби яңа обои алырга мәҗбүр булды. Миңа эләкте. Шул вакыттан башлап фатирга мине һәрчак бабам озата барды, ә Лена әби бүтән табада кыздырылган бәрәңге белән сыйламый башлады", - дип яза җырчы инстаграмында.

“Элекке күрше кызларына беренче каттан сәләм! Лена әбинең кызы Марина бар иде. Чулпан апа аның туган көненә торт пешергән иде. Ул вакытта буягычлар булмау сәбәпле, торт кремына зеленка кушканын хәтерлим”, – ди Эльмира комментарийда.

“Лена әби һәм аның кызы Марина хәзер инде исән түгел”, – дип яза Ландыш.

Элегрәк Айгөл Рәхимованың “кабартылган” иреннәреннән халык көлүе турында язган идек.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла