Артистлар телевидениегә концертларын бирү өчен күпме түли?
"Артист күбрәк эшләгән саен чыгымнары зуррак", - ди җырчылар. Бу хакта алар "Татар-информ"да узган матбугат конференциясендә сөйләде.
“Без концерт язмасын телевидениегә бирәбез. Ул бик арзан түгел. Ул бит әле җыр гына түгел. Телевидениегә матур булсын дип, съемкалар эшләргә тырышабыз, матур концерт эшләп тә, без әле акча китереп бирергә тиеш. Үз көчебез белән шундый бай материал бирәбез, әле анда да “бу реклама, сез түләргә тиеш" дип кире кагалар", - ди Ильвина.
Аңа Ришат Төхвәтуллин кушылды.
" Дөрес, аның бәясе биш мең генә түгел. Шуңа ике нуль өстәргә кирәк. Артист өчен күп эшләсәң дә, чыгымнары зур", - диде ул.