Алия Исрафилова: Мәчет клуб эшен бозып, клуб мәчет эшен бозып, халыкны аерып, талаштырып ятмасын иде

11 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://www.instagram.com/auliyamin/
Җырчы Алия Исрафилова татарларның милли бәйрәме - Сабантуе турында үзенең фикерен белдергән.
"Кайбер авылларда дин әһелләре Сабантуй ише бәйрәмнәрне һәм концертларны шайтан туе дип атап, халыкны ул бәйрәмнәрдә катнашмаска өнди, дип ишеттем. Ниндидер мәгънәсез тартышу. Милли бәйрәмнең кемгә зыян китергәне бар? Инде ничә еллар төрле район һәм төбәк Сабантуйларында катнашып барам. Елдан-ел кызмача килеш мәйдан уртасына чыгып, алпан-тилпән килгән ирләр саны бер-ике саныннан артмый да, кимеми дә. Калган бөтен халык биешеп, җырлашып матур гына күңел ача, ял итә. Ат чабышы, төрле уеннар, көрәш, тәмле сый-нигъмәтләр белән чәйләп алу, туганнар белән күрешү - берсеннән берсе матур бәйрәм мизгелләре.

Концерт карап, халык бозык юлга баса дигән фикер белән дә берничек тә килешә алмыйм. Инде, иң "дерзкий" дип әйтимме соң, яисә "фыртый" саналган татар артистлары арасында да ул хәтле бозыклыкка төшкән, халыкка начар үрнәк күрсәтүчеләр бар димәс идем. Урыс я Европа артистлары белән чагыштырганда, безнең иң фыртыйлары да бик тыйнак күренә.

Дин белән мәдәният берсен берсе хуплап, бер аяктан атласа иде. Авылларда берсеннән берсе матур мәчетләр, берсеннән берсе матур мәдәният йортлары төзелеп килә. Мәчет клуб эшен бозып, клуб мәчет эшен бозып, халыкны ике ярга аерып, талаштырып ятмасын иде.

Моңлы азан тавышлары белән башланып киткән Сабантуй бәйрәме бәрәкәтле була, нурлы була. Дин көчле булганда - рухыбыз, мәдәният көчле булганда - күңелебез керләнмәс. Дус яшик, бердәм булыйк", - дип язган Алия Исрафилова.

  Без Инстаграмда

Фикерләр








Социаль челтәр йолдызлары

"Минем улым бармы?" Бари Алибасов улы турында оныткан

Күптән түгел продюсер Бари Алибасов, ялгыш сок урынына торба чистарта торган сыекча эчеп, авыр хәлдә хастаханәгә эләкте. Бөтен илнең күзе берничә атна дәвамында аңарда булды дисәк тә ялгышмабыз. Әнисе ягыннан татар булган Бари Алибасов татар тамашачасына да якын, әлбәттә. Шуңа безнең укучылар аның өчен борчылуын яшермәде. Хәзер Бари Алибасовның хәле канәгатьләнерлек, ләкин ул күп нәрсәне хәтереннән җуйган. Шушы көннәрдә ул "Россия 1" телеканалына беренче интервьюсын бирде, аның белән Андрей Малахов сөйләште. Шул интервьюның тәрҗемәсен сезгә тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла