Алинә Кабаева ни өчен фигуралы шуу остасы була алмаган?
Танылган гимнаст Алинә Кабаева күпмилләтле Ташкент ишегалдында булган балачак хатирәләре белән уртаклашты.
Олимпия чемпионы һәм нәфис гимнастика легендасы Алинә Кабаеваның хәтерендә Үзбәкстанда үткән балачагы - бер йортта төрле милләт вәкилләре яшәгән гаиләләрнең бик тату гомер кичерүләре аеруча яхшы сакланган.
Үз вакытында әтисе Днепропетровскида "Днепр" футбол командасында уйный, анда фигуралы шуу бик яхшы үсеш ала. Ә әнисе баскетбол белән шөгыльләнә. Ул вакытта кыз өч яшен генә тутыра. Әнисенә спортның бу төре бик ошаганлыктан, кызны фигуралы шууга бирергә дип фикер йөртәләр.
Әтисе имгәнгәннән соң гаилә Ташкентка әйләнеп кайта, анда шугалаклар күп булмый, нәтиҗәдә Алинә нәфис гимнастика белән шөгыльләнә башлый. Нәфис гимнастика ярдәмендә Кабаева дөньяның күп кенә илләрендә була. Спортчылар хатирәләре буенча, тренировка режимы киеренке булуга карамастан, тренерлар аларны үзләре килгән дәүләтләрнең мәдәнияте белән таныштыру мөмкинлеген кирәкле дип саный.
"Минем иң могҗизалы хатирәләр Япония белән бәйле. 1994 ел башында Казахстаннан киттем. 95нче елларда мин Ирина Винер белән шөгыльләнә башладым. Инде бер елдан соң, Россия җыелма командасы әгъзасы булып, Япониягә әйләнеп кайттым һәм яшүсмерләр арасында клублар буенча дөнья чемпионатында җиңдем. Тренерым да моны көтмәгән. Минем бурыч - алдагы утызлыкка эләгү булган", - дип сөйләде ул.
Үзбәкстанда чемпионы туган якларында еш була. Кабаева Ташкент кына түгел, Бохара, Сәмәрканд шәһәрләрен да бик ярата.
Спортта алынган тәҗрибә аңа көнкүреш тормышта да бик булыша. Чөнки нәкъ менә спорт - дисциплинаны, коллективта бердәм эшли белүне, үз гамәлләрең өчен җавап бирүне һәм үз өстенә җаваплылык алу сәләтен үстерә.