"Әнисеннән калышмый, мода артыннан куа". Иркәнең кызы кайчы белән ыштанын кискән
"Әнисеннән калышмый, мода артыннан куа". Иркәнең кызы кайчы белән ыштанын кискән
Җырчы Иркә Инстаграмга кечкенә кызы Сөембикә төшкән видеоны куйган. Нәни кызчык ыштанын кайчы белән кискән. Әнисе "кызым, ник кистең ыштаныңны" дип сорый, ә кызы "әни, ул бит модно", дип җавап бирә.
"Менә шулай ул, мода дип ертык ыштаннан йөрсәң. Ыштанын кисеп бетергән Сөембикә, модно ди", - дип язган җырчы.
Ә инстачылар "әнисеннән калышмый, мода артыннан куа", "замана баласы,молодец", "артисттан артист туа, модницадан модница туа. Бердә гажәпләнмибез, шулай булырга тиеш. Бик тәтәй Сөембикә", "модница", - дип язганнар.
Шулай ук пәрдәне, яулыкны, әнисенең күлмәген һәм үзенең кофтасын кайчы белән тураклаган балалар булуын да язып калдырганнар.