Алия Карачуринага дәгъва белдерәләр: "Көчәнеп муен тамырың шартлый бит инде, балам, интекмә"
Татарстанның халык артисты, профессор Венера Ганиева Инстаграм битендә яшь җырчы Алия Карачуринаның җырлаган видеосын урнаштырган. "Моңлы сандугачым имтиханда. Әлбәттә, бишле! Комментарийларны чамалап уйлап языгыз", - дигән ул.
"Көчәнеп муен тамырың шартлый бит инде, балам, интекмә", "Ришаттан аерылса бу кыз җырлый алмый, хәзер төшеп кала, сүзсез", - дип тәнкыйтьләгәннәр Алияне.
"Шундый авыр хезмәт шул безнең эш, монда Алия такмак җырламый, ул семечка көнбагыш ашау түгел", - дип җавап биргән Венера Ганиева.
Алиянең җырлавын хуплап язучылар да бар: "Фонограммага җырлаганнарның гына тамыры кабармый", "Көчәнми, көнләшмәгез инде! Искиткеч җырлый, сөбханалла","Алия бик талантлы, тыйнак, сөйкемле, мәхәббәтле җырчы. Бик моңлы, җиренә җиткереп җырлый. Бәхетле бул, иҗади уңышлар сиңа, Алия! Сине бик яратабыз, хөрмәт итәбез. Аллаһы Тәгалә биргән талант, моң синдә, бернинди ясалмалылык юк. Горур бул, син супер", "Молодец, менә шулай җырларга кирәк калган җырчыларга да", - дип язган язылучылар.