"Зинһар, әнисен гаепләмәгез!" Тугызынчы каттан егылып һәлак булган баланың тәрбиячесе

29 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: Тикшерү комитеты, Вконтакте сайтыннан скриншот
Бу көннәрдә кайгы өстенә кайгы өстәлде. Ил, йөрәге сыкрап, Кемерово фаҗигасен кичергән мәлдә Татарстанны бала үлеме белән бәйле фаҗига да тетрәндерде - Кама Аланында яшәүче биш яшьлек И. тугызынчы каттан егылып һәлак булды.

Татарстан Тикшерү комитеты хәбәр иткәнчә, баланың әнисе эшкә киткән булган. Авырып торган баласын ул дус кызына калдырган. Беренчел мәгълүматлар буенча, дус кызы баланы үзен генә калдырып, кибеткә чыгып киткән. Бала исә аулакта тәрәзә төбенә менеп баскан һәм тугызынчы каттан егылып төшкән.


“Ул бала җирдәге фәрештә иде”

“Татар-информ” хәбәрчесе мәрхүм сабыйны күреп белгән Н. ханым белән аралашты.

“И.ның дәү әниләре безнең күршедә яши. Ул бала җирдәге фәрештә булгандыр. Аның йөзеннән бервакытта да елмаю китмәде. Әнисе улы өчен үлеп торды. Ул аларны бервакытта да караучысыз калдырмый иде. И. ның сеңлесе дә бар. Әниләре балаларын бердәй яратты. Ире белән аерылышкач, ул аларга әни дә, әти дә булды”, – диде күршеләре.

Н. сүзләре буенча, И. балалар бакчасына теләп йөргән. Бу көнне исә ул, авыру сәбәпле, бакчага бармый калган булган.

– Бакчадан соң әниләре балаларын көн саен дәү әни-дәү әтиләре янына, күршебезгә алып килә иде. Үзләре аерым, фатир яллап яшәделәр дип беләм. А. Түбән Кама шәһәренә барып эшләде. Балалар һәрвакыт чиста-пөхтә йөрде. И. сеңлесе белән бик дус булды. Моңа бөтен кеше игътибар итә иде, – диде Н.

      “Дүшәмбе бакчадан иң соңгы булып китте”

“Татар-информ” хәбәрчесе И.ның тәрбиячесе белән дә элемтәгә керде.

– Гел шат күңелле, бик хәрәкәтчән бала иде И. Минем төркемгә ул ике яше тулганчы килде. Музыка ярата, биергә ярата иде. Соңгы арада җырлап, такмаклар әйтеп шаккатырды. Күптән түгел узган бәйрәмнәрдә шул ягына игътибар иткән идек. Әз генә оялуы да бар иде үзенең, – дип бәяләмә бирде тәрбияче.

Ул шулай ук ана белән бала арасындагы мөнәсәбәтләрнең җылылыгын да искәртте.

– А. балалары өчен үлеп торды. Аларны һәрвакыт кайгыртты, һәр җыелышка, чарага беренче булып килде. Безнең тарафтан берәр үтенеч булса да, беренчеләрдән булып ул ярдәм кулы сузды. И.ны бик яратты ул. Хәтта икенчегә йөкле чагында да, бала тудыру йортына киткәнче, улын өйдә, үз янында тотты. “Мин китеп барсам, бер атна буе күрешмибез, ул да, мин дә сагынырбыз, бу атнаны икәү өйдә торыйк инде”, – диде. Бу – бәхетсезлек очрагы, зинһар өчен, әнисен гаепли күрмәгез, – диде тәрбияче.



Ул шулай ук И.ның бакчага теләп йөрүен, сәбәпсез калдырмавын да әйтеп узды.

– Дүшәмбе көнне әнисе шалтыратып, үзенең соңга каласын кисәтте. Без И. белән икәү җыендык, киендек. Кичке 7нчеләр киткәч, әнисе аны алып китте. Кичә иртән исә: “И.ның температурасы бар, бүген бакчага килеп тормыйбыз”, – дип шалтыратты... Күрәчәк инде. Мондый хәл килеп чыгар дип кем уйлаган”, – диде ул.

Тәрбияче сүзләренчә, “җир йөзендәге фәрештә”не кичә җирләгәннәр.

Әлеге хәл буенча җинаять эше кузгатылган.

И.ның әнисенең, якыннарының тирән кайгысын уртаклашабыз. 


  Без Инстаграмда

Фикерләр








Җәмгыять

"Назарбаев Татарстанны бик ярата иде, аның әбисе татар"

Кичә Казахстан Президенты Нурсолтан Назарбаев үз теләге белән вәкаләтләрен туктатуын игълан итте. Назарбаев Казахстан белән 1990 елдан бирле идарә итте. 2015 елда аны бишенче тапкыр Президент итеп сайлаганнар иде. Назарбаев кайсы юнәлештәге эшчәнлекләре белән истә калыр? "Татар-информ" шуны белеште.

Җәмгыять

Флюра Сөләйманова: “Филармониягә эшкә алмадылар, мине халык күтәрде”

Җырчы Флюра Сөләйманованың кабатланмас тавышы, искиткеч җырлары турында озаклап сөйләргә була. Ул бөтен гомерен, бар сәләтен, талантын, тырышлыгын җыр сәнгатен үстерүгә багышлаган. Тавышының ягымлы яңгырашы, тамашачы мәхәббәте - болар барысы да җырчыга уңыш китерә. Флюра ханымның язмышы бик гыйбрәтле. 

Җәмгыять

“Икенче сыйныфтан намаз укыды, бөтен Шәлегә үрнәк егет иде”. Чаллы юлында фаҗигадә 23 яшьлек егет вафат

Берәүләр һава торышының әле кыш, әле яз булып уйнау торуына карамастан, яз килә дип шатланса, Питрәч районы Шәле авылында яшәүче Зариповлар өчен бу яз мәңгегә онытылачак түгел. 11 мартның томанлы иртәсе алар өчен кайгы пәрдәсе ябылган кара көн булып калачак. Әлфия һәм Рафис Зариповлар бу иртәдә Саескан тавы янындагы һәлакәттә 23 яшьлек улларын югалта. Томан аркасында күз күреме начар булу сәбәпле, Фаил иярләгән “Лада Гранта” машинасы светофорда туктап торучы “Ман” автомобиле артына килеп керә.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла