Васил Шәйхразиевның "ак байлар"га мөрәҗәгате: “Татар халкының үсеш стратегиясендә бизнесның да урыны булырга тиеш”

26 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
Татарстан Республикасының премьер-министры урынбасары, Милли Шура рәисе Васил Шәйхразиев күптән түгел Екатеринбургта татар эшмәкләрләре белән очрашты. Ул аларны Татар халкының үсешенә өлеш кертергә өндәде. Васил Шәйхразиевның бу чыгышыннан өзекләр тәкъдим итәбез.

Без хәзерге вакытта Россия регионнарында татар халкының үсеш стратегиясенә тәкъдимнәр җыябыз, фикерләшүләр оештырабыз. Февральдә шундый очрашулар Екатеринбург, Ростов-Дон, Уфада үтте, алда Томск, Сахалин, Йошкар-Ола, Санкт-Петербург, Иваново, Самарада көтелә.

Татар халкының үсеш стратегиясендә бизнесның да урыны булырга тиеш дип саныйм. 

Әгәр 1917 елга кадәрге татар тормышын алсак, анда “ак байлар” дигән төшенчә булганын беләбез. Ягъни, хәзерге сүзләр белән әйткәндә, шундый бренд булган. Ак байлар үз бизнесларын алып барган, җитеш тормышлы кешеләр булган. Үзләренең намуслы булулары белән алар бу брендны ныгытканнар, үзләренең сүзләрендә тора торган кешеләр булуларын һәм брендның кадерле булуын бөтен дөньяга исбатлаганнар.

Татар халкының үсеш стратегиясе бурычларының берсе - милләтебезне үстерү. Һәр татар кешесе үз-үзенә “татарны милләт буларак ничек үстереп була?” дигән сорау куярга тиеш. Милләт ул телдән, гореф-гадәттән, диннән, өс-киемнән, ашау-эчүдән тора. Боларны алдагы буыннарга тапшырырга кирәк.

Әти-әниләребез безне якты дөньяга тудырган вакытта әйткән: безнең буынны дәвам итәсебез килә, балаларыбызга матур итеп милли тәрбия бирербез, дигәннәр. Алар безгә “балам, бәбкәм” дип дәшкәннәр. Без аларга “әнием, әбием” дигәнбез. Алар безгә белем биргәннәр. Ә без бүген үз балаларыбызга боларны бирә алырлык хәлдәме? Оныклар турында әйтеп тә тормыйм инде. Ә без үз гаиләләребездә, җәмгыятьтә, автономиядә, вәкиллектә татар булып сакланып калу өчен нәрсә эшлибез? Менә шундый сораулар куярга кирәк.

Сезне, бизнес алып баручы татарларны да, алдыгызда шундый сораулар куярга өндим. Мин үзем дә, хакимият вазифасында эшли башлаганчы, 10 ел бизнеста эшләдем. Шәхси бизнесым бар иде - үзем 100 процент учредитель һәм директор. Минем еллык фондта һәрвакыт хәйрия өчен статья бар иде. Мин аны һәрвакыт исәптә тота идем, чөнки бу миңа кирәк иде.

Татар байлары элек-электән милләт үсеше хакына мәктәпләр, хастаханәләр, мәчетләр төзегәннәр, мохтаҗ гаиләләргә, мәдрәсәләргә ярдәм иткәннәр. Бу бит йөрәккә ята торган эш. Хәзер дә татар эшмәкәрләре бу эшләрне алып бара, әле моның белән генә чикләнми - милли бәйрәмнәрне уздыруга да, көндәлек тормышта милләттәшләргә ярдәм итүне дә оештыра.

Стратегия эскизын төзегәндә, без башка милләтләрдән дә мисаллар карадык. Һәм кайбер милләтләрдә үрнәк эшләрне күрдек. Әйтик, милләттәш кыз кияүгә чыга яки егет өйләнә икән, аларның никахы мәңгелеккә истә калсын, матур булсын өчен акчалата ярдәм итүче милләтләр бар. Бу бер генә мисал.

Күңел кушканча ярдәм итәргә һәм мөмкинлек табарга була. Әгәр эшләрең уңышлы бара икән, татар халкы үсешенә ярдәм итү саваплы эш булыр иде. Аллаһ та, без дә рәхмәтле булырбыз. Без бүген нәрсә белән файдалы була алабыз - һәммәбезгә шуны уйларга кирәк.


  Без Инстаграмда

Фикерләр








Җәмгыять

Иркә: “Әтиемнең үлүе - минем өчен беренче зур кайгы”

“Үлем ширбәте ачы булса да, һәркем эчәр”. Бу сүзләр ачы хакыйкатькә ия. Үлем, без туганнан ук, артыбыздан йөгерә башлый. Җырчы Иркә әтисе Миндәр абыйның вафаты турында хәбәр итте. 9 июль көнне аны җирләделәр. Без җырчы гаиләсенең кайгысын уртаклашабыз. 

Җәмгыять

Татарстанда бал кортлары үлә: умартачылар басуга химикат сипкән хуҗалыкларны гаепли

Татарстанда 3 мең бал корты оясы үлүе теркәлгән. Интернет челтәрләрендә җирдә өемнәре белән ятучы бал кортларының фотолары һәм видеолары артканнан арта бара. Күпчелек умартачылар фикеренчә, проблема агулы химикатларны көндезен кояшлы яки көчле җил вакытында, умартачыларга хәбәр итмичә генә кертү белән бәйле. “Татар-информ” хәбәрчесе белгечләр һәм зыян күрүчеләр белән бу проблемага ачыклык кертте.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла