Туган тел көне: Тукай премиясе лауреатлары, Илһам Шакиров исемендәге концертлар залы, шигырь бәйрәме

26 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Рамил Гали
26 апрель - Туган тел көне. Бөек татар шагыйре Габдулла Тукай туган көн быел чараларга бик бай булды.

Рөстәм Миңнеханов Тукай һәйкәленә чәчәкләр салды

Татарстан Республикасы Президенты Рөстәм Миңнеханов Габдулла Тукай һәйкәленә чәчәкләр салды.

Чарада шулай ук Татарстанның беренче Президенты Минтимер Шәймиев, ТР Дәүләт Советы Рәисе Фәрит Мөхәммәтшин, ТР мәдәният министры Ирада Әюпова, ТР Премьер-министры урынбасары Ләйлә Фазлеева, Казан шәһәре мэры Илсур Метшин, ТР Язучылар берлеге рәисе Данил Салихов, Дәүләт Советы депутаты Рәзил Вәлиев катнаштылар.

Тукай премиясе лауреатлары

Бүген Габдулла Тукай иесемендәге дәүләт бүләге лауреатлары билгеле булды. 

2019 ел лауреатлары:

1. Әлмиев Надир Усман улы - график эшләр сериясе өчен, «Колокола Хиросимы» циклы, Дәрдмәнд, Г.Тукай, С.Хәким, Р.Фәйзуллин, Р.Кутуй, Р.Бохараев һ.б. татар шагыйрьләре җыентыгына иллюстрацияләр, «Татарстан, Алтай» пейзажлар сериясе өчен.

2. Фәйзрахманов Айдар Фәтхрахман улы - татар фольклор мирасына керткән өлеше өчен, «Олы юл» әдәби-музыкаль кичәләр циклы өчен, «Онытырга мөмкин түгел» һәм «Яшәү барыбер кызык», «Олы юл», «Борчылма» җыентыклары өчен.

3. Камал театры артистлары төркеме: Бикчәнтәева (Хәмитова) Люция Миңнеәхмәт кызы, Бариев Радик Зөфәр улы, Хәйруллин Искәндәр Илдар улы. Татар сәнгате үсешенә керткән өлеше һәм татар театры үсешендә зур роль уйнаган «Гөлҗамал», «Җирән чичән белән Карачәч сылу», «Кара чикмән», «Три сестры», «Дон Жуан» спектакльләрендә сәхнә образларын тудырган өчен.

4. Галиуллин Тәлгат Нәби улы - «Мөхәммәт Мәһдиев Йолдызлыгы» роман-эссесы; «Китек көзге» китабы, «Мы – потомки страны Тартария» әдәби-тәнкыйди басмасы өчен.

Быел Тукай премиясенә 16 намзәт тәкъдим ителгән иде.

Казанда ел саен уза торган шигърият бәйрәмендә утызлап татар шагыйре чыгыш ясады


Казанда ел саен Габдулла Тукай көнендә уза торган шигърият бәйрәмендә утызлап татар шагыйре чыгыш ясады. Шигърият бәйрәменә халык мәйдан тутырып килгән иде. 

Шигърият бәйрәме Мөдәррис Әгъләмнең "Тукайга хатлар" поэмасыннан өзекләр белән башланып китте. Шигырьләрне Казан театр училищесы студентлары укыды.

Халык алдында Татарстан мәдәният министры урынбасары Дамир Натфуллин чыгыш ясады. Ул шулай җанга үтәрлек итеп Тукай шигырьләрен сөйли алган яшьләребез барында телебезнең. киләчәге барлыгына ышаныч белдерде. 

Рөстәм Миңнеханов Габдулла Тукай исемендәге Дәүләт премиясе ияләрен котлады


Татарстан Президенты Рөстәм Миңнеханов быелгы Габдулла Тукай исемендәге Дәүләт премиясе ияләрен котлады. Аларның исемнәре Илһам Шакиров исемендәге концерт залында Туган тел көне һәм Габдулла Тукайның тууына 133 ел тулуга багышланган тантаналы чарада рәсми рәвештә игълан ителде.

"Барыгызны да Туган тел көне, Габдулла Тукайның туган көне белән чын күңелдән котлыйм! Исәнлек-саулык, уңышлар телим. Рәхмәт монда килүегез өчен!" - дип мөрәҗәгать итте Татарстан Президенты.

"Бәйрәмне матур итеп үткәрергә кирәк. Шушы концерт залында беренче тапкыр бәйрәм уздырабыз. Республикада әле андый зал юк иде, үзегез бәяләрсез, уңай булганмы, кайсы җирен нишләтергә. Халык аэропортка Габдулла Тукай исеме кушты, шушы залга Илһам Шакиров исеме бирелде. Хәерле сәгатьтә! Рәхәтен күрергә насыйп булсын!" - диде Миңнеханов.

"Габдулла Тукай премиясе лауреатларын чын күңелдән котлыйм. Киләчәктә дә матур әсәрләр иҗат ителер дип өметләнәм", - диде Президент. 

Илһам Шакиров исемендәге концертлар залын халыкка тәкъдим иттеләр


Бүген "Казан Экспо" күргәзмә комплексында урнашкан Илһам Шакиров исемендәге концерт залы халыкка тәкъдим ителде. Биредә Туган тел көне һәм Габдулла Тукайның тууына 133 ел тулуга багышланган тантаналы чара узды.

Яңа концерт залының мәйданы 3348,75 квадрат метр тәшкил итә. 3 178 кеше сыйдырышлы зур зал сигез төрле вариантта трансформацияләнә. Зур залны 2971, 2405, 2189, 1745, 1529, 1145, 910 урынлык итеп үзгәртеп була. Биредә кием алмаштыру, сәхнәгә чыгарга чират көтү, синхрон тәрҗемә, гримерка, репетиция ясау бүлмәләре каралган.

Залда барлыгы 3187 урынның 33е сәламәтлек мөмкинлекләре чикле кешеләр өчен. монда акустика да күп функцияле залларга тиешле таләпләргә җавап бирә.

Яңа төзелгән концерт залына мәшһүр татар җырчысы Илһам Шакиров исемен бирү турында быел 18 гыйнварда артист белән хушлашу мәрасимендә Татарстан Республикасы Президенты Рөстәм Миңнеханов әйткән иде.

Татарстан Республикасы Премьер-министры урынбасары, Милли Шура рәисе Васил Шәйхразиев фикеренчә, яңа концерт залының Илһам Шакиров исемен йөртүе башка милләт вәкилләренә бөек татар җырчысының әһәмиятен һәм данын аңлатып торачак. "Ул Илһам Шакиров исемен йөртсә дә, ул татар халкы өчен генә түгел, бөтен халык өчен дә хезмәт итәчәк", - диде ул.

Концерт залы ачылышына мәдәният, сәнгать әһелләре, язучылар, шагыйрьәр, республиканың төрле районнарыннан делегацияләр чакырылган. Концертта җырчыла Тукай шгырьләренә иҗат ителгән җырлар башкардылар. "Күңел" җыры белән Динә Гарипова, "Газапан соң" җыры белән Раяз Фасыйхов, "Син булмасаң..." җыры белән Айдар Сөләйманов, "Саумы, кояш" җыр белән Филүс Каһиров чыгыш ясады.

Концерт "Туган тел"не күмәк җырлау белән төгәлләнде.

    

“Тяжело с татарским” антипремиясе кемгә эләкте?

“Мин татарча сөйләшәм” акциясе кысаларында тапшырыла торган “Тяжело с татарским” антипремиясен элмә такталарда татар телен кулланмаган өчен “Казан ЭКСПО” күргәзмә комплексына бирделәр.


  Без Инстаграмда

Фикерләр








Җәмгыять

Дүрт көн рәттән температура рекорды куйган Казан кайчан суыныр?

Соңгы дүрт көндә Казанда майның беренче яртысында югары температура рекорды куелды. Тропик эссегә бик тиздән салкын һава киләчәк. Һава тырышының анамалияләре сәбәпләре хакында "Татар-информ" агентлыгы мәгълүмат агентлыгы хәбәрчесенә Казан федераль университеты экспертлары бәян итте.

Җәмгыять

Татар милләтеннән булган Советлар Союзы Геройларын беләсезме? (тест)

Бөек Ватан сугышы елларында 161 татар кешесе Советлар Союзы Герое исеменә лаек була. Рус, украин һәм белорус халыкларыннан соң татарлар дүртенче урында. Кайбер каһарманнарның исемнәре гел телдә, ә кайберәүләрен без бик белеп бетермибез. Бу тест күпсанлы каһарман татарларның берничәсен булса да кабат искә төшерү максатыннан төзелде.

Җәмгыять

Өч ел эчендә 20 тапкыр юл кагыйдәсен бозган күпбалалы ана балаларын рульгә утырта һәм шуны видеога төшерә

Чаллыда яшәүче күпбалалы ананың кечкенә сабыен кулына тотып машина йөртүен тасвирлаган видео социаль челтәрләрне “шартлатты”. Берничә сәгать эчендә генә дә аның шәхси битендә бу видеоны 66 мең тапкыр караганнар. Ә аны федераль телевидение каналларның күрсәтүен һәм мессенджерларда таралуын да исәпкә алсаң, аудиториясен санау хәзер бик авыр...

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла