Шәфәгать Салиховның төпчек кызы Миләүшә: “Әти белән соңгы сөйләшүне онытырга мөмкин түгел"

7 ноябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Алинә АЙДАРОВА
Фото: www.instagram.com/shafagat_salikhov/
Танылган баянчы Шәфәгать Салиховның вафатыннан соң, 31 октябрь көнне, миңа композитор, җырчы Гөлназ Закированың иҗат кичәсендә булырга туры килде. Шунда сәхнә артында йөргәндә, Шәфәгать абыйның төпчек кызы Миләүшәне күреп алдым.  Интервью бирүен сорадым. Кем турында сорячагымны сизендеме - килеп эшдәшүем булды, Миләүшә елап җибәрде...
Шәфәгать Салиховның тол хатыны, Миләүшәнең әнисе Лариса ханым ризалыгы белән, Миләүшә белән әңгәмәне сезгә тәкъдим итәм.

Әтисе үлгәч, 15 яшьлек Миләүшә инстаграмында үзәк өзгеч сүзләр язып калдырды: "Әтием, бәгърем, мин ышанмыйм. Нишләп син? Минем күпме әйтелмәгән сүзләрем калды, күпме сораулар калды. Кем хәзер миңа "солнышок" дип әйтер, кем "хомячок, хомячок, пухленькие щечки" дип әйтер? Әтей, әтием, әткәй, мин сине бик яратам. Син минем янымда һәрвакыт. Син минем фәрештәм. Төшләремә кер көн саен, зинһар".

- Миләүшә, кайгыгызны уртаклашабыз. Әтиең белән бергә килергә тиеш идеңме әлеге концертка?

- Әйе, без Чаллыдагы бер чараны да калдырмый идек. Гел бергә йөрдек. Хәзер мине ялгызымны гына күрү җырчылар өчен дә сәеррәктер.


- Әтиеңнең эшләнмичә калган эше бармы?

- Әти өй сала иде. Әлегә эш туктап торачак. Тик алга таба өйне салып бетерергә исәп. 
 
- Әтиеңнең шөгыльләре бар идеме ? 
 
- Без бергә “нарды” уйный идек. Алты яшемдә өйрәткән иде. 

 
- Бер концертны да калдырмый идек, дисең. Әллә син дә сәхнәгә тартыласыңмы? 
 
- Музыка мәктәбен бетердем, тик сәхнә белән тормышымны бәйләрмен дип уйламыйм. Җырчылар белән мин кечкенәдән таныш, шуңа күрә әтигә гел иярә идем. Ерак шәһәрләргә йөри идек. Аппаратура ташырга булыша идем. Күпләр мине әтиемнең “койрыгы” дип атыйлар. 
 
- Әтиең белән соңгы сөйләшүеңне хәтерлисеңме? 
 
- Әйе, мин банкеттагы җырчыларга сәлам юлладым. Әти миңа: “Монда барысы да бар”, - дип, алардан миңа сәлам җиткергән иде. Ахырда: “Тиздән кайтырга чыгам”, - дип тә өстәде... 
 
Телефоным һәрбер сөйләшүне яздырып бара, шуңа күрә әти белән соңгы сөйләшүне оныту мөмкин түгел. Калган язмаларны да саклыйм. 

  • Танылган баянчы, Салават Фәтхетдиновның беренче музыканты Шәфәгать Салихов 27 октябрь кичендә Казан-Чаллы юлында автоһәлакәттә вафат булды. Аны туган авылы - Азнакай районы Татар Шуганында җирләделәр.

Шәфәгать Салиховның соңгы сәгатьләре турында язма укыгыз. Аны туганнары, авылдашлары, дуслары искә ала, хатирәләрен сөйли.

Шәфәгать Салихов тормышта нинди булган? Бу хакта да язма тәкъдим итәбез: Шәфәгать Салиховны иҗатташ дуслары искә ала 

Шулай ук Шәфәгать Салихов белән 2014 елгы әңгәмәне укыгыз: "Хатыным мине яшәртә. Тик мин аны картайтам". Легендар баянчының хатыны Лариса - тол, улы Рубин, кызы Миләүшә, тагын ике балигъ баласы - ятим, оныклары бабасыз калды. 


  Без Инстаграмда

Фикерләр








Җәмгыять

“Әни, син нигә килдең? Кит!”: Казанда “Икенче Горки” җинаятьчел төркем катнашучыларын хөкем итәләр

Урлау, талау, янау. Казанның Идел буе судының гаепләнүчеләр эскәмиясендәге тугыз егет авыр җинаятьләрдә гаепләнә. Тикшерү версиясе буенча алар барысы да “Икенче Горки” оештырылган җинаятьчел төркемендә (ОПГ) катнашкан. Ә гаепләнүчеләр үзләре һәм аларның туганнары бернинди дә җинаятьчел төркем булмаганын әйтә - аларның кайберләре хәтта бер-берсе белән таныш та түгел дип ышандыра. Яшүсмерләр оешкан җинаятьчел төркемнәргә ничек кереп китә? Бу хакта “Татар-информ”га психолог һәм элек бер группировкада йөргән ир-ат сөйләде.

Җәмгыять

"Күңеле сизгән шикелле, санаулы еллар гына калды бит, диде". тарихчы Җәүдәт Миңнуллин белән бәхилләшү

“Күп һәм төгәл белүенә шакката идек” ди туганнары, хезмәттәшләре аның турында. Булса да булыр икән тарихка шулкадәр мөкиббәнлек, дип әйтеп була аның турында. Тарих фәннәре кандидаты, КФУның Халыкара мөнәсәбәтләр институтының тарихи һәм иҗтимагый мәгариф кафедрасы доценты Җәүдәт Миңнуллин кичә, йөрәге тотып, кинәт вафат булды. Бүген үзе яшәгән йорты янында аның белән хушлашу чарасы узды.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла