Россиянең RM-Terex зур холдингы коммуналь хезмәтләр айлыгы игълан итте

13 Июня 2018

Укылган: 270 тапкыр

Автор: Александр ЕЛИСЕЕВ
RM-Terex сәүдә йорты холдингының рәсми дилеры «ГидроРемСервис» Татарстанның торак-коммуналь тармагы вәкилләренә кирәкле техниканы ташламалар һәм башка төрле льготалар белән сатып алу мөмкинлеге бирә. Бүген сәүдә йортының Казандагы филиалында Коммуналь хуҗалык хезмәткәре көне акциясе узды, анда экскаватор һәм автогрейдер мөмкинлекләре күрсәтелде.

«ГидроРемСервис» сәүдә йорты 1991 елда төзелә. Техника сатудан тыш, компания хезмәткәрләре сервис һәм гарантия хезмәтләре күрсәтә. Моннан тыш, компания кул астында 10 мобиль бригада бар, алар техника урнашкан җиргә үзләре барып карый. Җиһазландырылган үзәктә агрегатларны һәм төеннәрне карау мөмкинлеге дә бар.

Сәүдә йортының хезмәткәрләр штаты – 180 кеше. Дилер үзәкләре Уфада, Казанда, Оренбургта, Ижауда, Яр Чаллы шәһәрләрендә бар. Казандагы филиал 10 ел элек ачылган. Анда 35 кеше эшли. «ГидроРемСервис» берничә җитештерүченең, шул исәптән, RM-Terex машиналарын тәкъдим итә. 


“Бездә аерым шартлар, июнь аенда торак-коммуналь хуҗалыгы эшчеләре өчен үзгә тәкъдимнәр бар. Июнь аенда Татарстан Республикасының торак-коммуналь хуҗалыгы өчен ГС-14.02 автогрейдеры өчен махсус бәя игълан ителде – 4 миллион 600 мең сум. Бу торак-коммуналь хуҗалык эшчеләре өчен уникаль тәкъдим. Без Татарстанда 300 данәгә якын ГС-14.02 автогрейдеры китердек, бу техника һәркемгә таныш. Аларга безнең Казан һәм Яр Чаллы шәһәрләрендәге сервис үзәкләрендә хезмәт күрсәтелә”, - дип белдерде «ГидроРемСервис» сәүдә йорты генераль директоры Равил Усманов. 


2011 елның май аенда Россия Федерациясе Хөкүмәте дәрәҗәсендә RM-Terex холдингын булдыру хупланды. Terex корпорациясе һәм «Русские машины» Холдингы арасында килешүгә кул куйганда Россия Президенты Владимир Путин шәхсән үзе булды. 


Беренче чиратта, коммуналь хезмәтләр өчен авыр техника Татарстан районнары администрацияләренә кызыклы булырга мөмкин, чөнки әлеге машиналар ел әйләнәсе төрле эшләр башкарырга сәләтле. 

“Безнең стратегия – әлбәттә, клиентларга юнәлгән булуыбыз һәм һәр эшләгән эшебездә югары сыйфат – сервис, сату, запас частьләр кайтарту. Безнең машиналарның билгеләнеше төрле. Нигездә болар юл-төзелеш юнәлеше. Мәсәлән, автогрейдер элек юл булмаган җирләргә, елның җылы вакытында юл салу өчен кирәк. Төзелеш өчен билгеләнгән булуына карамастан, ГС 14.02 автогрейдерын кыш көне юлларны кардан чистарту өчен кулланырга була”, - дип сөйләде «ГидроРемСервис» сәүдә йортының Казан филиалы директоры Дмитрий Пугачев. 


Чарада тәкъдим ителгән ГС 14.02 автогрейдеры – урта класслы, бюджет сериясендәге модель. Машина бик күп төрле эш башкара ала – ел әйләнәсе юлларны чистарту (кыш көне кардан чистарту, җәй көне юл читләрен карау), кюветларны, юл читендәге сөзәклекләрне чистарту, төзелеш һәм төзекләндерү эшләре. 

"ГидроРемСервис" сәүдә йорты – безнең рәсми дилер, мөгаен иң яхшы дилердыр. Безнең компания Россиядә иң зур машина төзелеше холдингы булып санала. Бүгенге көндә дүрт меңнән артык хезмәткәр, Россия территориясендә 76 дилер үзәге, 80 сервис үзәге исәпләнә”,- дип сөйләде RM-Terex вәкиле Иван Сидоров. 

Коммуналь хезмәткәрләр көненә торак-коммуналь тармагы вәкилләре чакырылган. Кунаклар өчен «ГидроРемСервис» хезмәткәрләре экскаватор-төягеч һәм автогрейдерның эш мөмкинлекләрен күрсәттеләр.


“Без компания белән күптән түгел генә эшлибез – экскаватор алдык. Техника сөендерә – яхшы, куәтле, куелган бурычларны үти”, - дип билгеләп үтте кунакларның берсе. 

“Без сезнең хезмәтләр белән ел ярым кулланабыз – барысы да бик ошый, зур рәхмәт. Техника бик яхшы – шушы вакыт эчендә эшсез тормады да диярлек”, - дип бүлеште икенче бер клиент. 


“Минем эшчәнлек детальләрне кире торгызу белән бәйле, шуны әйтәсем килә: сезнең техниканы бик сирәк алып киләләр, хәтта алып килмиләр дияргә була. Күрәсең, ул иң ныклы техникадыр”, - дип сөйләде бер кунак. 

Теләге булган һәр кеше, тәкъдим ителгән техниканың кабинасына утырып карый, хәтта, машинаның мөмкинлекләрен бәяләү кечкенә тест-драйв та уза алды.


Фикерләр








Җәмгыять

Вәсим Вахитов: Һәр теләгән кешене инкассаторлыкка кабул итә алмыйбыз

Татарстан Республикасы инкассация идарәсе оешмасы кыйммәтле әйберләрне ташудан тыш, тагын нинди хезмәт белән шөгыльләнә? Инкассатор булу никадәр дәрәҗәдә авыр? Инкассаторның хезмәт хакы күпме? Болар хакында “Татар-информ” мәгълүмат агентлыгы хәбәрчесенә Татарстан Республикасы инкассация идарәсе җитәкчесе Вәсим Вахитов сөйләде.

Җәмгыять

Укытучының купальникта фотога төшәргә хакы бармы?

Омск мәктәпләренең берсендә укытучы булып эшләгән Виктория Попова белән килеп чыккан гауга педагогның хокукы һәм бурычлары хакында күпсанлы бәхәсләр китереп чыгарды. Укытучының купальникта төшәргә хакы бар, ди күпсанлы укытучылар армиясе. "Татар-информ" хәбәрчесе бу гауганың хронологиясен искә төшерде һәм татарстанлыларның фикерләрен белеште.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла