Рөстәм Миңнеханов: Матурлык һәм наз, шәфкать һәм ышаныч, кайгырту һәм ихлас ярату тулы чиксез бер дөнья ул – Хатын-кыз!

8 март 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: tatarstan.ru
Татарстан Республикасы Президенты Рөстәм Миңнеханов 8 Март Халыкара хатын-кызлар көне уңаеннан гүзәл затларга мөрәҗәгать итте.

Кадерле ханымнар һәм туташлар! 

Сезне чын йөрәктән 8 Март – Халыкара хатын-кызлар көне белән тәбрик итәм!

Язның ямьле бу көнендә хәтта табигать тә бәйрәм хөрмәтенә хатын-кызларга кояшның бәйләм-бәйләм ягымлы нурларын, төсләр балкышын, барчабызга күңел күтәренкелеге, якты рух бүләк итә.

Гасырлар дәвамында хатын-кыз образына мәдхия җырлаучы язучылар, шагыйрьләр һәм композиторлар аны мәхәббәт һәм тугрылык, Ана һәм гаилә дигән изге төшенчәләр белән тәңгәлләштереп сурәтли. Дөрестән дә шулай, матурлык һәм наз, шәфкать һәм ышаныч, кайгырту һәм ихлас ярату тулы чиксез бер дөнья ул – Хатын-кыз!

Өлешенә тигән көмеше – ханым-туташларның язмышлары төрле, аларда, көзгедәге кебек, дөнья үсешенең   бөек тә, фаҗигале дә сәхифәләре чагылыш таба. Татарстанда билгеләп үтелә торган Лев Толстой елында әдипнең үлемсез әсәрләрендәге Наташа Ростова, Анна Каренина, Катя Маслова образларын сокланып һәм яратып искә алабыз.

Шөһрәт казанган, кешелек сыйфатлары һәм ил өчен кылган гамәлләре яшь буынга үрнәк булырлык, мөхтәрәм хатын-кызларның исемнәре күпмилләтле республикабызның тарихына мәңгелеккә язылган. Бу уңайдан хатын-кыз ветераннарыбыз аеруча ихлас ихтирамга һәм олылауга лаек. Ир-атлар белән бер сафка басып, актык көчләре белән тырышып, алар Ватанның хөрлеген саклап калдылар, дошман хәрабә хәленә китергән илне аякка бастырдылар.

Дәһшәтле Ватан сугышында җиңү яулаган буынның дәвамчылары хәзер зур казанышларга ирешә: яшь фигуристлар – нәсел тамырлары Татарстанга тоташкан кызыбыз Алинә Заһитова һәм Евгения Медведева – Пхёнчхан Олимпиадасында гадел көрәштә алтын һәм көмеш медальләр алып, Россия спортына лаеклы шөһрәт китерделәр.

Хөрмәтле дәү әниләр, әниләр, хатын, апа, сеңелләр, кызлар – сез булган җирдә һәрчак ихтирам һәм мәхәббәт белдерү, иң җылы һәм иң матур сүзләр генә яңгырарга тиеш.

Бәйрәм белән барлык котлауларга кушылам һәм чын күңелдән сезгә, кадерле хатын-кызлар, бәхет, иминлек, муллык, сәламәтлек һәм уңышлар телим. Һәрчак мөлаем һәм гүзәл, нәзакәтле һәм горур булып калыгыз! Күңелегездә һәрчак яз булсын!

Татарстан Республикасы Президенты

Р.Н. Миңнеханов

Фикерләр








Җәмгыять

Рөстәм Миңнеханов: Социаль челтәрләрдә тәнкыйть күңелгә хуш килмәскә дә мөмкин, әмма бу – кешеләр белән көчле кире элемтә

Татарстан Президенты Рөстәм Миңнеханов 24 сентябрьдә парламентка еллык Юллама белән мөрәҗәгать итәчәк. Шушы мөһим вакыйга алдыннан, республика башлыгы “Татмедиа” АҖ генераль директоры Андрей Кузьминга эксклюзив интервью бирде. Анда ул Юлламаның әһәмияте, социаль челтәрләр, Көнчыгыш икътисади форумыннан алган тәэсирләре һәм күңеленә хуш килгән җәмәгать киңлекләре турында сөйләде. Моннан тыш, Президент эшче һөнәрләренең абруена, Татарстан Республикасының 2030 елга кадәрге социаль-икътисади үсеш стратегиясенә кагылышлы темаларга һәм күрәләтә алимент түләмәүчеләр проблемасына тукталды.

Җәмгыять

“Кызымның чәчләре коелып бетте... Аягына бастыру өчен 30 миллион кирәк”

Әти-әнинең бәхете - сау-сәламәт балаларда. Балалары белән бәхеткә күмелеп, матур гына тормыш итеп яткан Азат һәм Алинә көтмәгәндә генә зур сынау алдында кала. Кызлары Аделинада куркыныч авыру – кандагы яман шеш табыла. Татарстанда бу авыруның Аделинадагы төре белән авырган башка бер бала да юк... Курчак сыман искитмәле гүзәл кызга күз тидергәннәрме әллә? Нәселләре белән сәламәт гаилә таң калган. Бала аягына баса алмый, тиз арада җыярга кирәкле сумма бик зур - 30 миллион...

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла