«Мондый галәмәтне видеодан гына күргән бар иде” - Азнакайда 10 минут буе 5 см боз яткан

14 июнь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Чулпан ШАКИРОВА
Фото: видеодан скриншот
10 июнь көнне Азнакай районының Буралы авылында кичке бишенче яртылар тирәсендә боз ява башлый. 10 минут дөбердәп яуган боз 5 см калынлыкка җитә, көн салкын булгач, кичкә кадәр эреми.

Бу ялларда социаль челтәрләрдә “Мондый галәмәтне видеодан гына күргән бар иде. Буралыда боз ява” дигән видео таралды. 



“Татар-информ” хәбәрчесе әлеге авылда яшәүчеләр белән элемтәгә керде.

– Җәйге яңгыр сыман тиз үтте ул үзе. Әмма шактый зыян салырга өлгерде, - диде Чубар-Абдул авыл җирлеге башлыгы Нияз Фәтхетдинов, ул көнне искә төшереп. - Кинәт суытып җибәрде дә кара болытлар җыелышты. Ул да булмады, дөбердәп боз яварга кереште. Аннан зыян күрмәгән кеше юк инде. Яшелчәләрне харап итте. Кыяр-помидоры теплицада булган кешенең дә башка культураларына, чәчәкләргә зыян салды.

Авыл җирлеге башлыгы мәгълүм видеоны төшереп, интернетка куйган ханымның кем булуын фаразлавын да әйтте. Әмма ул әйткән ханым үзе видеоның авторы башка кеше булуын белдерде. Шулай да, үз бакчасына килгән зыян турында сөйләп үтте ул.

– Ул көнне иртән дә боз явып киткән иде. Мин ул көнне чүп утадым. Анысы күрше-тирә авылларда да яуган. Әмма безгә аның зыяны булмады, - диде исемен күрсәтмәүне үтенгән ханым. - Кичке бишенче яртылар тирәсендә күк йөзе кап-кара булды. Хәерлегә булсын дип теләдем, бик куркыныч килде ул. Кинәт кенә яңгыр ява башлый да, берөзлексез коя бит. Бу да шуның кебек булды, әмма 10 минут буе бертуктаусыз боз яуды. Борчактан да эрерәк боз! Кура җиләге яфраклары тишкәләнеп беткән, кәбестә яфрагын да телемләп телгән. Помидорларымны болай да кырау суккан иде. Инде исән калганнарын боз харап итте. Инде кабат рассада алып, утыртырга кирәк. Барысыннан да бигрәк, петунияләремне жәлләдем. Шау чәчәктә утыралар иде. Алар бөтенләй бетте инде. Тернәкләнеп китәме-юкмы?


Исемсез ханым җәен болай боз явып, үсемлекләргә зыян килүне хәтерләми.

– Безнең якларда гарасатлар булгалады анысы. Әмма боз явуын белмим мин. Шуңа күрә бу көнгә кадәр теплица алуны да кирәксенмәгән идем. Бик нык булды бит. Чиләкләп койды боз. 10 минут арасында 5 см булды. Көн салкын булгач, кичкә кадәр эремәде ул. Июнь аенда карлы юлдан йөрдек. Өй түбәләре ап-ак булды. Аннан шуып төшкән боз кисәкләре йомшак җирдә бигрәк тә эз калдырган. Ат көтүе йөргән кебек, - диде зыян күрүче.






  Без Инстаграмда

Фикерләр








Җәмгыять

“Алты бала әтисе Изге Җомга көнне иң изгеләрдән булып китеп тә барды”. Мөслим имам-мөхтәсибе фаҗигале рәвештә вафат

Исән чакта, аяклар йөреп, күзләр күреп торганда беркөнлек дөньяның кадерен белеп, булганына Аллаһка шөкер әйтеп, куанып яшәргә кирәк дип юкка гына әйтмиләр шул. Күңеле чәчәк атып, балаларының бәхетен күреп яшәгән кешенең якты бәхет кояшы кара пәрдә белән каплана. Бәхетле дөнья, кояшлы тормыш бер мизгел эчендә челпәрәмә килә. Бүген иртәнге сәгать 7-8 тирәсендә Мөслим имам-мөхтәсибе Габделкәрим хәзрәт Моратов, алты баласын калдырып, фаҗигале рәвештә һәлак булды. Мәскәү–Уфа трассасының 966нчы километрында “Лада Гранта” автомобиле юл читенә төшеп каплана...

Җәмгыять

“Күңел тулы үкенеч, өченче баласы туганын күрә алмаячак”

Юллар... Кайларга гына илтмиләр юллар адәм баласын. Соңгы вакытта бер–бер артлы булган юл һәлакәтләре, аларда кешеләрнең авыр тән җәрәхәтләре алулары хакында еш ишетәбез. Коточкыч аварияләрнең нәтиҗәсе аянычлы: вафат булучыларның гомерләрен инде кире кайтарып булмый. Марий Элдагы юл һәлакәтендә "Бөреле" акционерлык җәмгыятенең элекке генераль директоры Алмаз Миңнекәев һәлак булуы турында кайгылы хәбәр күпләрне тетрәндерде. Эш сәфәренә чыгып китә ул, әмма шул китүдән кире әйләнеп кайтмый - юл хәрәкәте кагыйдәләрен тупас бозган йөртүче аркасында һәлак була.

Җәмгыять

Рафис Борһанов: "Күпчелек очракта мәгариф системасыннан ерак торган, балалары инде күптән укып бетергән кешеләр тәнкыйть белән чыгыш ясый"

Татарстан республикасы Мәгариф һәм фән министры Рафис Борһанов "Татар-информ" агентлыгына интервьюсында телнең беренче чиратта гаиләдә сакланырга тиешлеге, ана телен укытудагы яңа методикалар, укытучыларга хезмәт хакларын арттыру, БДИ турында тәнкыйтьләүчеләрнең нәрсәдә ялгышуы, милли педагогика институты, мәктәпләрдә балаларны сыйныфташлары кимсетмәс өчен нишләргә кирәклеге һәм татар милли стратегиясендә булырга тиешле пунктлар турында сөйләде. Интервью министрлыкның матбугат хезмәте ярдәме белән әзерләнде.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла