Халык синоптигыннан фаразлар: "Кыш карлы һәм салкын, яз явым-төшемсез, июнь суык булырга охшаган"

11 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Марат МӨБАРӘКШИН
Фото: Владимир Васильев
Быел кыш, яз, җәен һава торышы нинди булыр? Бу хакта без Балтач районы Яңгул авылында яшәүче халык синоптигы Әмир Шәрәфиевтән сорап белештек.

"Кыш былтыргыдан салкынрак булыр"

"2019 ел, минем күзәтүләрем буенча, 1984 елга охшап килә. Шуңа күрә быелгы кышның гыйнвар, февраль айлары, узган елгысы белән чагыштырганда, чагыштырмача салкын булыр. 

Раштуа бәйрәмендә бераз салкынайтты. Чын суыклар христианнарның чукындыру бәйрәме көнендә башланачак. Алар, бераз җылытулар белән алмаша барып, февраль, март айларына кадәр дәвам итәчәк. Быел барысы 3-4 тапкыр суыклар булып алыр. Гыйнвар аенда салкыннар озак бармас, февраль ахыры, март башларында алар унбишәр көнгә кадәр сузылачак. Салкын һава торышы бураннар белән чиратлашып торачак", - ди халык синоптигы.

"Кышын кар күп явачак"

Халык синоптигы фикреенчә, декабрь ахырында яуган карлар июнь аеның яңгырларына туры килә. Узган ел июнь аеның башлары салкын булды, кыш җәйгә охшап килеп маташа, ди Әмир Шәрәфиев. Аның фикеренчә, җәй явым-төшемле булмады, аның урынына чык күп төште. Шуның бәрабәренә кышын кар күп ява һәм ул беренче яртысында ешрак булырга охшаган.

Узган елларны һава торышы, декабрь башларында җылытып, карларны эретеп ала торган иде. Узган ел андый күренеш күзәтелмәгән. Әмир Шәрәфиев фикеренчә, бу - начар күренеш, чөнки барыбер бер тапкыр булса да кышын җылытып алырга мөмкин. Бу җылыту Раштуа бәйрәменнән соң булырга мөмкин. Декабрь аенда җылытмагач, кар тагы да җыелачак. Шуңа күрә быел кыш кар күп булыр дип уйлыйм, ди ул. Кар күп булса, уҗымнар яхшы сакланачак. Салкыннарның еш һәм дәвамлы булуы, җиләк-җимеш агачларына зыян салырга мөмкин.

Язын явым-төшем аз булыр

"Яз иртә килмәс. Март ае салкын булыр, бигрәк тә беренче яртысы. Апрель ае, гадәттәгечә, чагыштырмача салкын булыр. Май аеның 2-3 атнасы җылы һәм коры булыр, тиешле күләмдә яңгыр яумас, чөнки декабрьнең ун көнендә температура плюскә күтәрелә алмады. Шулай ук кыраулар да былтыргыдан күбрәк булачак. 

Быел чәчүгә артык иртә чыгып булмас. Май бәйрәмнәреннән соң булыр. Май ахырында яңгырлар китәчәк, ләкин җиләк-җимеш агачларына җылы җитмәс. Бу бигрәк тә печәннәрнең үсүенә начар тәэсир итәр. Печән туплау бик авырлык белән генә барачак, чөнки июнь ае салкын булырга охшаган. Дым җитмәгәч, арыш та үсә алмый, шуңа күрә уңыш та түбән булырга бик мөмкин".

Узган елгы җәй башы быел да кабатланырга мөмкин

“Хәзер һава торышы Тукай язганча килми”, - ди Әмир Шәрәфиев. Гадәттә, башта яңгыр яву, аннары җылыту табигатькә уңай йогынты ясый, әгәр киресенчә була калса, начар. 

"Инде ничә елдан бирле күзәтәм, хәзер табигатьтәге үзгәрешләр ике атнага соңга калып бара. Җәй көзгә, көз кышка, кыш язга, яз җәйгә килеп керде. Һава торышы циклардан кабатланып тора. Шуңа күрә ничәнчедер елда булган һава торышы берничә елдан янә кабатланырга мөмкин".


  Без Инстаграмда

Фикерләр








Җәмгыять

“Ашарга пешерергә, бәйләргә өйрәтүче канал” дигән стереотипны җиңдек дип уйлыйм”: “Dомашний” телеканалы яңа сезонда нәрсә белән сөендерергә уйлый

“Великолепный век” фильмы белән хатын-кызларны телевизор экраннарына ябыштырып диярлек куйган “Dомашний” каналы яңа сезонда тугры тамашачыларына яңа сериаллар, мелодрама, реалити-шоулар тәкъдим итә. Уңыш күктән төшми: аның өчен тырышып-тырмашып эшләү, эчтәлеген баету турында уйларга кирәк. “Dомашний” ның беренче унлыкка керүе, рейтингта эре каналларның соңгы 5 елда күрсәткечләре кими барып та, “Dомашний”ныкы 32 процентка үсүе очраклы гына түгел. Җитәкчелек гел эзләнүдә. "Интертат" хәбәрчесе телеканал эшчәнлегенә багышланган матбугат конференциясендә моңа үзе инанды. “Dомашний” телеканалы генераль директоры Марина Хрипунова каналның нәрсә хисабына уңышка ирешүе турында сөйләде.

Җәмгыять

“Икенче сыйныфтан намаз укыды, бөтен Шәлегә үрнәк егет иде”. Чаллы юлында фаҗигадә 23 яшьлек егет вафат

Берәүләр һава торышының әле кыш, әле яз булып уйнау торуына карамастан, яз килә дип шатланса, Питрәч районы Шәле авылында яшәүче Зариповлар өчен бу яз мәңгегә онытылачак түгел. 11 мартның томанлы иртәсе алар өчен кайгы пәрдәсе ябылган кара көн булып калачак. Әлфия һәм Рафис Зариповлар бу иртәдә Саескан тавы янындагы һәлакәттә 23 яшьлек улларын югалта. Томан аркасында күз күреме начар булу сәбәпле, Фаил иярләгән “Лада Гранта” машинасы светофорда туктап торучы “Ман” автомобиле артына килеп керә.

Җәмгыять

Уникаль операция: Казан табиблары, бавыр күчереп утыртып, 32 яшьлек Люциянең гомерен саклап калды

Соңгы дүрт елда хастаханә юлыннан кайтып кермәгән 32 яшьлек Люция Миннимуллина яңа тормыш башлап җибәрде. Быел 15 февральдә Республика клиник хастаханәсе табиблары аңа катлаулы операция ясап, гомеренә яңа сулыш өрде. Бавыр кадәр бавырыңны алдырып, аның урынына яңа бавыр күчереп утырту турында уйлап карале син?! Каз тәннәре чыгарлык! 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла