Хәния Фәрхи вафат: җырчыны юлда йөрәге тоткан

27 июль 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Юлия БИЛАЛОВА
Хәния Фәрхинең үлемен баянчысы Илнур Саттаров раслады.
Татарстан һәм Башкортстанның халык артисты, танылган җырчы Хәния Фәрхи бүген, 27 июльдә, Башкортстанда, әнисендә кунакта вакытта үлгән. Юлда барганда аны йөрәге тоткан, дип хәбәр итә артистның баянчысы Илнур Саттаров. Хәзерге вакытта ул сырхауханәдә.

Хәния Фәрхи бүген сәгать 12дә "Интертат" газетасы өчен "Татар-информ" хәбәрчесенә интервью биргән иде. Ул Башкортстанда әнисендә кунакта булуын, журналист Фирүзә белән сөйләшеп утыруын әйтте. "Интервью аласыбыз килә", - дигәч, Башкортстанга чакырды: "Безнең монда гаҗәеп матур, күреп китәрсез", - диде. Килә алмасыбызны белгәч, үзенең Татарстанга юлга чыгасын әйтте...

Хәния Фәрхи белән хушлашу 29 июльдә булачак, дип хәбәр итә "Татар-информ" агентлыгы. Җырчы Казанда җирләнәчәк. 

Хәния Фәрхи турында истәлекләрне Интертат газетасында укырга мөмкин. Intertat.tatar электрон газетасында Хәния Фәрхинең иң популяр җырлары белән танышырга була. 


  Без Инстаграмда

Фикерләр








Җәмгыять

“Берүзең чыкма дип әйтә килдек”. Лениногорск районында 79 яшьлек әби түбәдән төшкән кар астында калып һәлак була

Март кояшы күңелләрне җилкендереп, урамга тарта. Кояшлы бер көн - 2 март Лениногорск районы Тимәш авылында кеше гомере өзелүгә сәбәпче була. Рәйсә Шәрәпованың гомере түбәдән шуып төшкән кар өеме астында өзелә.

Җәмгыять

Гомерен Арчаның мәдәни үсешенә багышлаган Гөлназ Гарифҗанова вафат булды: “Әле генә дәвалана алмыйм, эшем бик күп, ди иде"

Иртәгә ни буласын беребез дә белми шул. Узган атнаның ял көне кайгылы хәбәр китерде: Арча мәдәният йорты сәнгать җитәкчесе Гөлназ Гарифҗанова вафат булган. Бу хәбәр мәрхүмнең якыннарын гына түгел, бөтен район халкын да кара кайгыга салды. Алыштыргысыз кеше булган ул, гомеренең шулай иртә өзелүе белән берәү дә килешә алмый. Хастаханәдә дәвалану узганнан соң, аякка басып якыннары янына әйләнеп кайтуын көткән ханымның гомере шулай тиз өзелер дип кем уйлаган бит... 

Җәмгыять

Васил Шәйхразиевның "ак байлар"га мөрәҗәгате: “Татар халкының үсеш стратегиясендә бизнесның да урыны булырга тиеш”

Татарстан Республикасының премьер-министры урынбасары, Милли Шура рәисе Васил Шәйхразиев күптән түгел Екатеринбургта татар эшмәкләрләре белән очрашты. Ул аларны Татар халкының үсешенә өлеш кертергә өндәде. Васил Шәйхразиевның бу чыгышыннан өзекләр тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла